Nga 14 deri më 17 shkurt 2025, u mbajt kampi i editimit për gjenratën e 13-të të Shkollës së Filmit…
Edukimi Filmik
Shkolla e Filmit: FUTURE IS HERE
Për 13 vite radhazi, Future is Here ka qenë programi kryesor i trajnimit në kuadër të programit edukativ të DokuFest, duke kultivuar talentin e të rinjve të Kosovës dhe duke i kthyer ideat e tyre krijuese në filma dokumentarë të fuqishëm. Shkolla e Filmit ka luajtur një rol kyç në ngritjen e vetëdijes për rëndësinë e kinematografisë si mjet për të ndikuar në shoqëri dhe për të trajtuar çështje sociale. Çdo vit shkolla e filmit mbledhë nga 10 deri në 15 të rinj, të cilët i ndihmon ti bëjnë hapat e parë në botën e filmave dokumentarë kreativë.
.jpg)
I konceptuar si më shumë se një punëtori për realizimin e filmave, Future is Here është një udhëtim transformues ku pjesëmarrësit eksplorojnë teknikat e rrëfimit, artin vizual dhe mendimin kritik, ndërsa promovojnë bashkëpunimin dhe shprehjen e vetvetes. Programi fokusohet në mësimin praktik, ku pjesëmarrësit përfshihen aktivisht në çdo fazë të procesit të realizimit të filmit—nga konceptimi i ideve deri te montazhi. Duke i bashkuar regjisorët e rinj me mentorë me përvojë dhe ish-pjesëmarrës, programi krijon një hapësirë unike për zhvillimin e aftësive, vetëbesimit dhe lidhjeve kuptimplota.
.jpg)
Premierat e filmave të realizuar nga nxënësit shfaqen në një mbrëmje të veçantë përgjatë festivalit në DokuFest.
Të gjithë filmat e prodhuar nga Future is Here gjenden në Bibliotekën Digjitale për Mësimdhënës të DokuFest, një platformë online e menaxhuar nga departamenti edukativ DokuLab. Kjo platformë përfshin filma dhe materiale didaktike të dizajnuara për të mbështetur përdorimin e filmit në klasë, në përputhje me Kornizën Kurrikulare të Republikës së Kosovës. Aktualisht, ajo është duke u përdorur nga 400 mësimndhënës nga e gjithë Kosova. Future is Here është pjesë e projektit Shkollat dhe Dokumentarët, i mbështetur nga National Endowment for Democracy.
Për të shikuar filmat ndër vite të krijuar nga të rinjt, klikoni në linkun në vazhdim: FUTURE IS HERE
"Në zemrën e sfidave shoqërore dhe ndryshimeve globale, arti dhe edukimi bashkohen për të ndriçuar rrugën drejt kuptimit të ndërsjellë dhe bashkëpunimit. Përmes filmave dhe programeve arsimore, të rinjtë marrin fuqinë të ndërtojnë një të ardhme të përbashkët në harmoni dhe paqe."
DokuLab
Departamenti edukativ i DokuFest - DokuLab menaxhon Qendrën e Produksionit të Filmit për të Rinjë dhe fuqizon mësimdhënësit në përdorimin e mjeteve audio-vizuele në procesin mësimor dhe ndërlidhjen e tyre me metodat tradicionale, e që adresojnë çështjet komplekse, zhvillojnë mendimin kritik dhe promovojnë zhvillimin shoqëror tek të rinjtë.
© Dokufest. Të gjitha të drejtat e rezervuara.
