Kampi i tretë i ’’Stories We Tell’’ i cili zgjati një javë, ,mblodhi 8 te rinjë nga komunitete të ndryshme…
HAPET THIRRJA: Future is HERE XIII
Çdo vit, shkolla jonë e filmit, “Future is Here”, sjell studentë nga e gjithë Kosova në Prizren për një mundësi unike ku mund të zhvillojnë aftësitë e tyre dhe pasionin për krijimin e filmave dokumentarë.
Kampi mbahet në Prizren nga data 2 deri më 8 janar 2025, gjatë pushimeve dimërore, ku "Future is Here’’ transformohet në një udhëtim një-javor për nxënësit të mësojnë aftësitë thelbësore të filmit: kapjen e skenave, editimin dhe lidhjen e tregimeve që reflektojnë me jetën tyre personale.
Pjesëmarrësit në këtë kamp, do të kenë mundësi të njoftohen dhe ligjërohen nga profesionistë të industrisë së filmit, të eksplorojnë pajisjet e filmit dhe të punojnë ngushtë me shokët që ndajnë pasionin për filmbërje. Çdo ditë do të kemi diçka të re, nga trajnimi praktik për pajisjet që do të përdorni deri te diskutimet për teknikat e tregimit të historive. E bukura e gjithë eksperiencës është se filmat që do të krijohen gjatë kampit do të jenë pjesë e programit të filmave gjatë edicionit të 24-të të DokuFest , duke prezantuar perspektivat unike të rinisë së Kosovës.
Përmes këtij kampi dimëror, synojmë të sjellim në jetë historitë e rinisë kosovare, duke i kthyer përvojat e tyre në filma. Njëkohësisht, synojmë të ndërtojmë një bazë më të fortë për industrinë e filmit në vendin tonë, sidomos në fusha si montazhi, dizajni i tingujve dhe post-produksioni, ku mundësitë shpesh janë të kufizuara.
Kriteret për aplikim:
- Të jeni nxënës shkollës së mesme në Kosovë
- Të keni pasion për tregimin e historive tuaja
- Aftësi të mira komunikimi në gjuhën angleze.
- Aplikimet mbyllen më 29 nëntor, prandaj mos e humbisni këtë mundësi.
- Vegëzat për aplikim, sipas gjuhës i gjeni më poshtë:
SHQ: https://forms.office.com/r/ptCv6BmVZA
ENG: https://forms.office.com/r/MVrHyTwyud
TUR: https://forms.office.com/r/aNJ5VFUkw3
SER: https://forms.office.com/r/uzK7Jhn2Ub
"Filmat edukativë si mjete kyçe për të inspiruar ndryshimin dhe për të promovuar dialogun ndërkulturor në shkolla. Një mundësi unike për nxënësit të zhvillojnë aftësi kritike të mendimit, të rrisin ndërgjegjësimin rreth çështjeve sociale dhe kulturore dhe të nxisin një qasje më të hapur dhe të përfshirëse ndaj mësimit. Përmes temave të tyre të fuqishme dhe narrativave të ndikshme, këto filma edukativë janë burime të pasura që mbështesin mësimdhënien inovative dhe kontribuojnë në ndërtimin e një shoqërie më të informuar, të ndërgjegjshme dhe demokratike."
DokuLab
Departamenti edukativ i DokuFest - DokuLab menaxhon Qendrën e Produksionit të Filmit për të Rinjë dhe fuqizon mësimdhënësit në përdorimin e mjeteve audio-vizuele në procesin mësimor dhe ndërlidhjen e tyre me metodat tradicionale, e që adresojnë çështjet komplekse, zhvillojnë mendimin kritik dhe promovojnë zhvillimin shoqëror tek të rinjtë.
© Dokufest. Të gjitha të drejtat e rezervuara.
