Programet tona në arsim përmes përdorimit të artit dhe kulturës, trajtojnë çështjet më urgjente të shoqërisë kosovare.
Përmes programit tonë gjithëpërfshirës për të gjitha komunitetet në Kosovë, si dhe me mbështetjen e National Endowment for Democracy, ne ofrojmë mjete për mësimdhënësit dhe të rinjtë për të kuptuar më mirë rolin e një shoqërie si dhe përgjegjësitë e qeverive në mënyrën se si të zvogëlohen pabarazitë, të respektohen të drejtat e njeriut, të trajtohen ndryshimet klimatike në nivel lokal dhe të promovohen të drejta dhe mundësi të barabarta të grave dhe burrave.
Projekti fokusohet në zgjerimin e rrjetit të mësimdhënësve përmes Edukimit Mediatik. Përmes këtij procesi, mësimdhënësit vazhdimisht zhvillojnë fleta të punës të bazuara në Kornizën Kurrikulare të Kosovës, ku ato përdoren në Bibliotekën Digjitale të Mësimdhënësit, në formatin online dhe offline dhe janë në dispozicion në webfaqe.
Përmbajtja e platformës ofron akses në filma, klipe filmash, guida filmash si dhe fleta të ndryshme pune që përdoren nga mësimdhënës në shkollat përkatëse. Shkarkimi i materialeve edukative është në dispozicion për të gjithë mësimdhënësit e shkollave të mesme publike në të gjithë vendin.
Rritja e gjuhës së urrejtjes është lloji i diskriminimit që është kaq i pranishëm në të gjithë Ballkanin Perëndimor dhe tani është bërë pjesë e jetës publike. Prandaj, ekspertët tematikë dhe fasilituesit vazhdimisht i ndihmojnë mësimdhënësit që të zhvillojnë fletat e punës dhe të sigurojnë përputhshmëri me Kornizën Kurrikulare të Kosovës, me theks të veçantë në lëndët që përfshijnë të dhëna të keqinterpretuara dhe inkurajojnë gjuhën e urrejtjes.
Që nga viti 2018 kemi filluar rregullisht të organizojmë punëtori për mësimdhënës të shkollave të mesme në lidhje me përdorimin e mjeteve audio-vizuele në mësimdhënie, dhe deri më tani kemi arritur të kemi rreth 150 pjesëmarrës nga qytete të ndryshme të Kosovës si: Prizreni, Gjakova, Peja, Deçani, Suhareka, Dragashi, Malisheva, Rahoveci, Prishtina, Podujeva, Vushtrria, Shtimja, Lipjani, Vitia, Ferizaji, Fushë Kosova, Obiliqi, Gjilani, Kaçaniku dhe Hani i Elezit.
Pjesëmarrësit në punëtori ishin ligjerues të lëndëve mësimore si: Gjuhë Shqipe, Gjuhë Angleze, Gjuhë Gjermane, Psikologji, Sociologji, Edukatë Qytetare, Histori, Filozofi, Gjeografi, Lëndë Ekonomike, Edukimi për Shëndet, Art Muzikor, Art Figurativ, Matematikë, Fizikë dhe TIK. Të gjithë këta mësimdhënës kanë pasuruar Bibliotekën Digjitale të Mësimdhënësit duke kontribuar në përpilimin e 115 fletave të punës.
Ky program i punëtorive vazhdon të organizohet nga DokuFest në bashkëpunim me ekspertë dhe tutorë të edukimit, duke u zgjeruar jo vetëm në territorin e Kosovës por edhe në territorin e Malit të Zi dhe Shqipërisë. Shkëmbimi i njohurive dhe ndarja e përvojave për përdorimin e filmit në klasë nga mësimdhënësit e Kosovës, shënoi një bashkëpunim të suksesshëm me partnerët tanë “UnderHill Fest” nga Mali i Zi dhe “Korça Short Film Festival — KO:SH” nga Shqipëria.
Tetëmbëdhjetë mësimdhënës nga shkolla të mesme të larta në Kosovë u bënë pjesë e dy punëtorive të rradhës për mësimdhënës të cilat si fokus kryesor kishin përdorimin e filmit dokumentar dhe integrimin e tij në kornizën kurrikulare për arsimin parauniversitar në Kosovë.
SHKOLLA DHE FILMI DOKUMENTARDokuFest vazhdon me organizimin e ciklit të punëtorive njëditore për mësimdhënës në përdorimin e mjeteve audiovizuale në planifikimin dhe zhvillimin e procesit edukativo-mësimor në shkollat e mesme të larta, me qëllim të përmbushjes të kërkesave dhe rezultateve të Kornizës Kurrikulare të Arsimit Parauniversitar të Kosovës.
SHKOLLA DHE FILMI DOKUMENTARDokuFest ka nënshkruar marrëveshje bashkëpunimi që synon funksionalizimin e bashkëpunimit afatgjatë në mes të DokuFest dhe Ministrisë së Arsimit, Shkencës, Teknologjisë dhe Inovacionit, për krijimin e një platforme që nxit dhe mbështet shkollat përkatësisht mësimdhënësit në përdorimin e mjeteve audiovizuale në planifikimin dhe zhvillimin e procesit edukativ-mësimor, në shkollat e mesme të larta, me qëllim të përmbushjes të kërkesave dhe rezultateve të Kornizës Kurrikulare të Arsimit Parauniversitar të Kosovës.
SHKOLLA DHE FILMI DOKUMENTARDokuFest fton nxënësit e shkollave të mesme në Kosovë të aplikojnë për kampin tonë të ardhshëm dimëror. Kjo iniciativë është pjesë e gjeneratës së XII të shkollës sonë të njohur të filmit dokumentar, e planifikuar të zhvillohet gjatë pushimeve dimërore shkollore prej 14 deri më 20 janar 2024 në Prizren.
SHKOLLA DHE FILMI DOKUMENTARPas një bashkëpunimi të sukseshëm me partnerët tanë nga Mali i Zi “UnderHill Fest”, këtë vit kemi filluar bashkëpunimin me partnerët tanë të rinj nga Shqipëria “Korça Short Film Festival — KO:SH” mbi shkëmbimin e njohurive dhe përvojën për përdorimin e filmit në klasë.
SHKOLLA DHE FILMI DOKUMENTARU bëjmë thirrje të gjithë mësimdhënësve që janë të interesuar mbi përdorimin e mjeteve audio-vizuale si pjesë e kurrikulës së tyre mësimore, të aplikojnë në punëtoritë trajnuese.
SHKOLLA DHE FILMI DOKUMENTARMe 28 janar mirëpritëm në Prizren gjeneratën e 11 të shkollës së filmit dokumentarë ‘Future is Here’.
SHKOLLA DHE FILMI DOKUMENTARTHIRRJE PËR APLIKIM
SHKOLLA DHE FILMI DOKUMENTAR3 ditë me seminare intensive për mësimdhënësit e shkollave të mesme që praktikojnë përdorimin e filmit dokumentar në klasë.
SHKOLLA DHE FILMI DOKUMENTARKy vit shënon edicionin e 10-të të punëtorive të filmit ‘Future is Here’ si pjesë e programit ‘Shkollat dhe Dokumentarët’ të mbështetur bujarisht nga National Endowment for Democracy.
SHKOLLA DHE FILMI DOKUMENTARThirrje për Aplikim
SHKOLLA DHE FILMI DOKUMENTARDokuFest prezantoi metodologjinë në përdorimin e filmit dokumentar në klasë për mësimdhënësit nga Mali i Zi.
SHKOLLA DHE FILMI DOKUMENTARPërmes projektit “Shkolla dhe filmi dokumetar”, DokuFest i mëson të rinjve procesin e filmbërjes dhe dokumentarit, ashtu që ata të paraqesin vizualisht rrethin e tyre - duke i dhënë atyre paisje dhe njohuritë elementare nga profesionistë të kësaj fushe.