Aktivitetet

EDICIONI ONLINE

Për shkak të masave në fuqi nga Covid-19 që pamundësuan organizimin fizik të eventeve dhe nuk lejonin tubimet, 2 kampe të parapara fizike të projektit “How Do I See You” (HDISY) janë zhvilluar online ku pjesëmarrësit dhe organizatorët me anë të platfomës Zoom i kanë zhvilluar aktivitetet e projektit.

Në total për 2 Kampe kanë marrë pjesë 34 pjesëmarrës nga Kosova e Serbia dhe kanë krijuar video portrete për njëri-tjetrin me total 64 video portrete per njeri-tjetrin. Më gjerësisht LEXONI KËTU.

Videot e Grupit 1 - i gjeni këtu
Videot e Grupit 2 - i gjeni këtu

KAMPI I PARË NDËRKULTUROR

Nga 22 deri më 27 qershor u organizua kampi i parë i shkëmbimit ndërkulturor mes të rinjëve nga Kosova dhe Serbia, në Serbi, me total 19 pjsëmarrës nga Kosova dhe Sërbia.

Të rinjët patën rastin që përveç vizitave në organizata, galeri dhe muze të ndryshme të kalojnë një pjesë të madhe të kohës duke mësuar për njëri-tjetrin.

E tëra kjo përfundoi me portrete vizuale të realizuara përmes bashkëbisedimit mes të rinjëve duke u përqendruar në aspektin e kundërshtimit të narracionit të ashpërsuar të mediave që krijojnë paragjykime dhe stereotipizime ndaj njëri-tjetrit.

Intervistat dhe xhirimet nga ky kamp, jane shfaqur gjatë edicionit të XX-të të DokuFest, apo saktësisht më 09 gusht 2021. Më gjerësisht LEXONI KËTU

KAMPI I DYTË NDËRKULTUROR

Në kuadër të projektit ‘How Do I See You?’ - nga data 14 deri më 20 mars 2022 u mbajt edhe kampi i dytë ndërkulturor nga projekti bashkëpunues mes DokuFest dhe Free Zone Film Festival - i cili synon të përmirësoj lidhjen mes të rinjëve të Kosovës dhe Serbisë.

Pavarësisht mungesës së pjesëmarrësve në momentin e fundit, kryesisht për shkak të ngjarjeve fatkeqe dhe të trazuara që karakterizuan muajin mars në Evropë, ne arritëm të rekrutojmë gjithsej 14 pjesëmarrës (7 nga secili vend përfaqësues) për këtë kamp.

Gjatë vizitave të ndryshme nëpër qytete të ndryshme të Kosovës ata mësuan më shumë për njëri-tjetrin dhe krijuan në total 34 video portrete për njëri-tjetrin.

Në ditën e parafundit të kampit, pjesëmarrësit nëpërmjet video-intervistave krijuan material që pasi të kurohen u shfaqën në edicionin e XXI-të të DokuFest gjatë muajit gusht. Më gjerësisht LEXONI KËTU

Videot e Grupit 3 - i gjeni këtu

KAMPI I TRETË NDËRKULTUROR

Gjatë datave 5 deri më 11 shtator 2022 u mbajt edhe kampi i tretë në kuadër të projektit “HDISY” ku të pranishëm ishin 19 pjesëmarrës nga Kosova dhe Serbia.

Kampi përfshiu një laramani të vendeve kulturore të vizituara në Beograd dhe Novi Sad, ku ky i fundit ishte shpallur qyteti kulturor i Evropës për vitin 2022.

Pjesëmarrësit përveç që u njohën nga afër me njëri-tjetrin, ata poashtu patën mundësi të krijojnin edhe video-portrete për njëri-tjetrin dhe natyrisht, në ditën e fundit u realizua edhe sesioni me video-intervista të tyre. Më gjerësisht LEXONI KËTU

Videot e Grupit 4 - i gjeni këtu

KAMPI I KATËRT NDËRKULTUROR

Kampi i katërt dhe i fundit i projektit të financuar nga BE “HDISY?” u organizua nga DokuFest, Fondi B92 dhe Free Zone Film Festival, dhe u mbajt në Kosovë nga 10 deri më 17 shtator 2023.

Pjesëmarrësit e kampit ishin nga Kosova dhe Serbia, nga mosha 18-25 vjeç. Këta të rinj nga të dy vendet kaluan 8 ditë së bashku duke mësuar për njëri-tjetrin, gjuhën, zakonet dhe ngjashmëritë e tyre dhe në fund kuptuan se kishin shumë më tepër të përbashkëta sesa mendonin për njëri-tjetrin.

Kampi u kurua në një formë që do t’i lejonte pjesëmarrësit të ndërveprojnë me njëri-tjetrin dhe të mësojnë më shumë për njëri-tjetrin. Ata gjithashtu fituan aftësi themelore në xhirime dhe filma duke bërë video çdo ditë. Pjesëmarrësve iu caktua çdo ditë të krijonin një video-portret 1-2 minutësh të njëri-tjetrit. Kjo praktikë u dha gjithashtu mundësinë pjesëmarrësve të kalonin më shumë kohë me njëri-tjetrin dhe të mësonin më shumë detaje për njëri-tjetrin.

Për kampin final siguruam 10 pjesëmarrës, 6 nga Kosova dhe 4 nga Serbia, pasi zakonisht situata kontribuoi në braktisjet e minutës së fundit. Sido që të jetë, kampi ishte shumë frytdhënës dhe tërheqës për pjesëmarrësit.

Vizitat në OJQ të ndryshme në Kosovë ishin gjithashtu një mundësi e mirë për pjesëmarrësit që të njihen me punën dhe kontributin e tyre në Kosovë.

Në ditën e fundit të Kampit, pjesëmarrësit bënë intervistat e tyre video në çifte. Video-intervistat pas procesit të montimit dhe përkthimit do të shfaqen gjatë Festivalit të Filmit Slobodna Zona në Beograd në nëntor dhe gjithashtu për ekspozitën përfundimtare të projektit në fund të nëntorit në Prishtinë.