EKSPOZITA MULTIMEDIALE “HOW DO I SEE YOU?” NË DOKUFEST

Dje gjatë ditës, në hapësirat e shtëpisë së Shani Efendiut u mbajt ekspozita multimediale e projektit "How Do I See You?", projekt ky i financuar nga zyra e BE-së në Kosovë, që zbatohet nga DokuFest në partneritet me Fondin B91 dhe Slobodna Zona, që ka për qëllim t'i sjell së bashku të rinjtë nga Kosova e Serbia, ashtu që të kalojnë kohë së bashku në Kampe Ndërkulturore për ta njohur dhe kaluar kohën me njëri-tjetrin si dhe për të kuptuar se mediat dhe narracionet e ashpra në të dy vendet nuk janë ashtu si duken, por realiteti është shumë më ndryshe. Ekspozita ishte një përmbledhje e video intervistave të pjesëmarrësve të projektit nga Kampi Ndërkulturor i muajit mars në Kosovë me 14 pjesëmarrës në total nga Kosova dhe Serbia. Të ftuar në ekspozitë përpos pjesëmarrësve të projektit nga Kosova dhe Serbia që pos tjerash kanë dhe do të ndjekin panele e master-klasa të ndryshme gjatë DokuFest, ishte edhe Hillen Francke nga zyra e BE-së në Kosovë ku gjatë hapjes së ekspozitës mbajti fjalimin bashkë me drejtoreshën ekzekutive të DokuFest, Linda Llulla-Gashi, menaxheren e projektit në Kosovë Zana Arapi-Xheladini si dhe menaxheren e projektit në Serbi Maja Cecen. Të gjitha folëset theksuan nevojën për investime në projekte të tilla për të rinjë dhe rolin e kulturës për rikonsilimin në mes të dy vendeve. Ekspozita është e treta e këtij lloji për këtë projekt dhe pritet që pas Kampit Ndërkulturor në shtator në Serbi, të mbahet edhe ekspozita e katërt gjatë festivalit Slobodna Zona në Beograd. Për të shikuar videon e plotë të ekspozitës mund të klikoni KËTU. Ky grant financohet nga Bashkimi Evropian dhe implementohet nga DokuFest dhe Fondacioni B92