Ekspozitat
EKSPOZITA E PARË
Në kuadër të projektit, si aktivitet përmbyllës të kampit njëjavor, realizuam intervista individuale me pjesëmarrësit, të cilat më pas i përpunuam dhe i shfaqëm në formën e një ekspozitë audiovizuale në Kino Armata më 31 maj 2024. Në këtë ekspozitë protagonist kishim pjesëmarrësit e kampit. Ata ndanë përvojat dhe këndvështrimet e tyre mbi identitetin, artin dhe ndryshimet shoqërore.
.webp)
Një element i veçantë ishte fakti që ekspozita e kampit të parë u shfaq gjatë kampit të dytë, kjo u dha mundësinë pjesëmarrësve të të dy kampeve të njiheshin me njëri-tjetrin Për disa ishte pika përmbyllëse e përvojës së tyre, ndërsa për të tjerët një vështrim në mënyrën se si kampi do të përfundonte dhe si intervistat e tyre do të shndërroheshin në një ekspozitë.
EKSPOZITA E DYTË
Gjatë edicionit të 23-të të DokuFest, ekspozita e dytë solli një qasje unike në prezantimin e përvojave dhe reflektimeve të pjesëmarrësve të rinj. Në vend të një ekspozite tradicionale, ajo u shfaq përmes një serie intervistash video, ku të rinjtë ndanë mendimet e tyre mbi identitetin, respektin e ndërsjellë dhe ndikimin e projektit në perceptimet e tyre.
_2025.jpg)
Me një strukturë të njëjtë pyetjesh për të gjithë pjesëmarrësit, intervistat shfaqën ndryshimet dhe ngjashmëritë në përvojat e tyre, duke theksuar se si dialogu dhe bashkëpunimi ndihmojnë në sfidimin e stereotipeve dhe dezinformatave. Përmes sinqeritetit të tyre, vizitorët patën mundësinë të shihnin dhe ndjenin ndikimin e projektit në jetën e të rinjve.
EKSPOZITA E TRETË
Ekspozita përmbyllëse për kampin e tretë dhe të katërt u mbajt më 16 prill 2025 në Barabar. Ky event mblodhi pjesëmarrësit nga të katër kampet dhe prezantoi intervistat me video të realizuara nga pjesëmarrësit e kampit të tretë dhe të katërt, të cilët ndanë mendimet dhe përvojat e tyre.
Në këtë natë pjesëmarrësit patën mundësi të ri-takoheshin për të reflektuar dhe festuar udhëtimin e përbashkët. Së bashku me të ftuarit që sollën në ekspozitë, pjesëmarrësit shijuan ushqim dhe pije, ndërsa më vonë u mbajt një fjalim i shkurtër për të falënderuar të gjithë pjesëmarrësit dhe anëtarët e ekipit për përkushtimin dhe mbështetjen e tyre.
Me këtë ekspozitë përmbyllëm me sukses projektin ''Stories We Tell'', një projekt që kishte në qendër dialogun dhe mirëkuptimin mes të gjitha komuniteteve.
EKSPOZITA E KATËRT (1)
EKSPOZITA E KATËRT (2)
