Aktivitetet

Aktiviteti i parë:

Në aktivitetin e parë, vizituam të 20 shkollat kampione ku bëmë zhvillimin e një programi të përbashkët me të gjithë aktorët dhe modulet e trajnimit për funksionalizimin e Klubeve të Medias Digjitale dhe klubeve të tjera ekzistuese në shkollë.

Aktiviteti i dytë:

Moduli i trajnimit të mësuesve duke drejtuar një Klub Digital të Medias. Ftuam të gjithë përfaqësuesit e klubeve mediatike ose së paku një përfaqësues të shkollës për të qenë pjesë e trajnimit. Ishin katër fascilitatorë në 4 fusha të ndryshme. Procesi i realizimit të filmit, montazhi dhe rëndësia e ekipit të departamentit të filmit, Motion Design – procesi i krijimit të animacioneve edukative, duke përfshirë rolin e këtij procesi pa përjashtuar rolin e ndërmarrjes, njohuritë e industrisë së marketingut digjital, në një mënyrë që ata të kuptojnë dhe vërejnë talentin e mundshëm në këtë fushë, rolin e gazetarisë në shoqëri dhe si të zbulojnë nëse një student ka talent në fushën e gazetarisë. Në këtë aktivitet morën pjesë 20 përfaqësues të shkollave.

Aktiviteti i tretë:

MEDIAT TRADICIONALE DHE DIGJITALE

Trajnimi njëditor u zhvillua në ITP - Prizren më 15 Prill, ku morën pjesë tre nxënës dhe një mësimdhënës nga secila shkollë. Qëllimi i trajnimit ishte zhvillimi i aftësive të pjesëmarrësve dhe trajnimi i studentëve si trajnerë, duke u mundësuar atyre të transferojnë njohuritë e tyre në klubet mediatike të shkollave të tyre përkatëse. Trajnimi u nda në tre grupe/module, ku çdo shkollë kishte mundësinë të përfitonte nga këto tre module. Ishin 82 nxënës dhe mësimdhënës, 49 vajza dhe 33 djemë.

Moduli i parë u fokusua në Dizajn Grafik dhe Media Sociale, duke theksuar rëndësinë e dizajnit grafik në rrjetet sociale, platformat aktuale, punët në internet dhe profesionin e pavarur. Ky modul u drejtua nga Artan Xhaha, një dizajner grafik në Makerspace.

Moduli i dytë mbuloi krijimet vizuale, duke shpjeguar procesin e shkrimit krijues dhe të kuptuarit e audiencës së synuar. Ai përfshinte gjithashtu një përmbledhje të departamenteve të krijimit të filmit dhe filmit të parë. Ky modul u drejtua nga Zgim Terziqi, regjisor.

Moduli i tretë synonte të krijonte një buletin digjital dhe ofronte bazat e përdorimit të YouTube. Ai gjithashtu theksoi komunikimin efikas me audiencën e synuar. Ky modul u mundësua nga Valon Canhasi, themelues i “Hallakate”.

Në këtë aktivitet ishin 85 pjesëmarrës.

Aktiviteti i katërt:

TRAJNIM INDIVIDUAL NË SHKOLLA:

Ky aktivitet është vazhdimësi e trajnimit të MEDIAVE TRADICIONALE DHE DIGJITALE, ku nxënësve iu dha mundësia të ndajnë njohuritë e tyre me nxënësit tjerë të klubit. Gjatë takimeve shkollore, u zgjodhën disa tema për kërkime, duke përfshirë arsimin e avancuar, cilësinë e arsimit, dhunën, diversitetin dhe përfshirjen, të drejtat e njeriut, barazinë gjinore dhe orientimin në karrierë.

Aktiviteti i pestë:

Kampi i Tregimit për Zhvillimin e Aftësive Digjitale: Nga Teoria në Praktikë

Ky aktivitet u zhvillua në ITP në fillim të muajit korrik. Qëllimi ishte të mësohej të tregonte një histori duke mësuar aftësitë e filmimit digjital, fotografisë dhe montazhit. 17 shkolla ishin pjesë e aktivitetit me më shumë se 200 nxënës, i cili zgjati 4 ditë. Dy regjisorët e filmit, Trëndelina Halili dhe Aurela Berila u mësuan studentëve se si të krijonin një histori për një temë specifike dhe si ta zbatonin atë në praktikë përmes xhirimeve. Ky aktivitet gjithashtu parashikon punën me mësimdhënësit se si të krijojnë një mësime argëtuese përmes ndërtimit të aftësive dhe me fokus nxënësin në tregimin e një historie: Si të shmangim gjuhën e urrejtjes, dezinformimin dhe keqinformimin.

Ngjarja përfundimtare:

Ekspozita publike dhe ekspozita në secilën shkollë:

Në këtë event, ne vizituam çdo shkollë që ishte pjesë e këtij projekti dhe mbajtëm një ekspozitë me punën që nxënësit bënë gjatë kampusit të tregimit. Nga çdo shkollë, të paktën 60 nxënës morën pjesë në ekspozitë. Ekspozita ishte e hapur për publikun.