Me 28 tetor dhe 4 nëntor DokuFest dhe KEC (Kosova Education Center) në kuadër të projektit “Transformimi Shoqëror Inovativ në…
TRANSFORMIMI SHOQËROR INOVATIV NË KOSOVË +
Projekti synon të promovojë pajtimin ndërmjet komuniteteve nëpërmjet angazhimit qytetar; të mbështesë komunitetet lokale që parandalojnë radikalizimin/ekstremizmin e dhunshëm dhe promovimin e paralajmërimit të hershëm / veprimit të hershëm në nivel lokal; avancimin në promovimin e aftësimit digjital për qëllime arsimore për të ndihmuar në uljen e gjuhës së urrejtjes, si dhe për të krijuar një mjedis gjithëpërfshirës midis komuniteteve lokale përmes shkëmbimit kuptimplotë mbi temat e pabarazisë, të drejtave të njeriut dhe vlerave demokratike, duke rritur kështu pjesëmarrjen kritike dhe aktive në jetën qytetare dhe për të nxitur qëndrueshmërinë përmes shkëmbimit të opinioneve, edukimit mediatik e informacionit, dhe më e rëndësishmja, zbulimi i qëllimeve të përbashkëta dhe pasqyrimi i mendimeve të tyre.
Projekti synon të nxisë krijimin e forumeve të pavarura për diskutim dhe shkëmbim idesh për adoleshentët në adresimin e lajmeve të rreme dhe dezinformatave përmes: · Krijimi i një mjedisi bashkëpunues për edukimin e adoleshentëve me prejardhje të ndryshme etnike; · Përpunimi dhe zhvillimi i aktiviteteve të projektit bazuar në parimet dhe strategjitë bazë për përfshirje dhe pjesëmarrje në komunitete; · Avancimi i promovimit të aftësimit digjital për adoleshentët dhe komunitetet lokale si dhe ndërtimi i aftësive digjitale; · Ndërtimi i aftësive digjitale të punonjësve pedagogjikë dhe drejtuesve të komunitetit për të ndihmuar të rinjtë të zhvillojnë aftësitë për të identifikuar dhe rezistuar ndaj tregimeve ekstremiste, gjuhës së urrejtjes dhe për të fituar aftësi socio-emocionale për t'u angazhuar në mënyrë konstruktive në shoqëri pa pasur nevojë të përdorin dhunën. Aktivitetet e projektit zhvillohen në Prizren, Mitrovicë, Gjilan, Ferizaj, Vushtrri, Lipjan, Obiliq, Suharekë, Viti, Podujevë, Dragash dhe Kamenicë.
"Filmat edukativë si mjete kyçe për të inspiruar ndryshimin dhe për të promovuar dialogun ndërkulturor në shkolla. Një mundësi unike për nxënësit të zhvillojnë aftësi kritike të mendimit, të rrisin ndërgjegjësimin rreth çështjeve sociale dhe kulturore dhe të nxisin një qasje më të hapur dhe të përfshirëse ndaj mësimit. Përmes temave të tyre të fuqishme dhe narrativave të ndikshme, këto filma edukativë janë burime të pasura që mbështesin mësimdhënien inovative dhe kontribuojnë në ndërtimin e një shoqërie më të informuar, të ndërgjegjshme dhe demokratike."
DokuLab
Departamenti edukativ i DokuFest - DokuLab menaxhon Qendrën e Produksionit të Filmit për të Rinjë dhe fuqizon mësimdhënësit në përdorimin e mjeteve audio-vizuele në procesin mësimor dhe ndërlidhjen e tyre me metodat tradicionale, e që adresojnë çështjet komplekse, zhvillojnë mendimin kritik dhe promovojnë zhvillimin shoqëror tek të rinjtë.
© Dokufest. Të gjitha të drejtat e rezervuara.
