DokuFest ka publikuar sot listën e plotë të filmave që do të marrin pjesë në programet garuese të edicionit të…
Për qasje të plotë në Bibliotekën Digjitale ju duhet llogari aktive në DokuLab
#DocYouth Alliance: Youth connecting through cinema
Doc Youth Alliance, një nismë e përbashkët mes DokuFest dhe Beldocs, është një program që fuqizon të rinjtë nga Kosova dhe Serbia duke i angazhuar ata në përvoja ndërkulturore. Kjo nismë synon të promovojë mirëkuptimin duke sjellë bashkë të rinj nga të dy vendet për të ndarë përvoja kinematografike, për të ndërtuar rrjete dhe për të nxitur bashkëpunimin përtej kufijve.
Gjatë punëtorive online, shkëmbimeve, shfaqje të filmave dhe diskutimeve të përbashkëta, pjesëmarrësit shikuan dhe analizuan katër dokumentarë të fuqishëm të përzgjedhur në programin zyrtar të edicionit të 18-të të festivalit Beldocs.
Nga katër filmat që panë online – “Azza” nga Stefanie Brockhous, “When the Phone Rang” nga Iva Radivojević, “The Helsinki Effect” nga Arthur Franck dhe “Songs of Slow Burning Earth” nga Olha Zhurba – pas diskutimeve të gjata, filmi ukrainas Songs of Slow Burning Earth u përzgjodh si fitues.
Regjisorja ukrainase ishte e pranishme gjatë shfaqjes së filmit, dhe pjesëmarrësit e programit patën mundësinë të bashkëbisedojnë me të në një sesion pyetje-përgjigje. Diskutimi u moderua nga Era Latifi dhe Vid Radicevic, të cilët udhëhoqën bisedën me profesionalizëm përmes pyetjeve mbi punën e regjisores.
Si pjesë e këtij bashkëpunimi, u krijua një botim që përmban reflektimet e pjesëmarrësve mbi katër filmat e shikuar. Ky botim është rezultat i një udhëtimi të përbashkët të një grupi prej njëzet të rinjsh nga Kosova dhe Serbia, të bashkuar nga DokuFest dhe Beldocs përmes iniciativës Doc Youth Alliance. Botimi përmbledh jo vetëm angazhimin e tyre me kinemanë, por edhe guximin për t’u lidhur, për të dëgjuar dhe për të folur përtej dallimeve, në frymën e solidaritetit.
Ky projekt shërben si dëshmi se fuqia transformuese e filmit dokumentar mund të ndërtojë ura, dhe se zërat e të rinjve janë thelbësorë për ndërtimin e një të ardhmeje më paqësore dhe gjithëpërfshirëse në rajon.
Në fazën e ardhshme të projektit, të gjithë pjesëmarrësit do të jenë pjesë e Jurisë së të Rinjve në DokuFest, ku do të përzgjedhin fituesin e një filmi me temë rinore.
Projekti Doc Youth Alliance është mbështetur nga RYCO – Zyra Rajonale për Bashkëpunim Rinor.
"Në zemrën e sfidave shoqërore dhe ndryshimeve globale, arti dhe edukimi bashkohen për të ndriçuar rrugën drejt kuptimit të ndërsjellë dhe bashkëpunimit. Përmes filmave dhe programeve arsimore, të rinjtë marrin fuqinë të ndërtojnë një të ardhme të përbashkët në harmoni dhe paqe."
DokuLab
Departamenti edukativ i DokuFest - DokuLab menaxhon Qendrën e Produksionit të Filmit për të Rinjë dhe fuqizon mësimdhënësit në përdorimin e mjeteve audio-vizuele në procesin mësimor dhe ndërlidhjen e tyre me metodat tradicionale, e që adresojnë çështjet komplekse, zhvillojnë mendimin kritik dhe promovojnë zhvillimin shoqëror tek të rinjtë.
© Dokufest. Të gjitha të drejtat e rezervuara.
