DokuFest, në bashkëpunim me Fondin për të Drejtën Humanitare Kosovë, realizoi me sukses një sërë punëtorish trajnimi për mësimdhënës në…
Për qasje të plotë në Bibliotekën Digjitale ju duhet llogari aktive në DokuLab
Ekspozita e Projektit D:fict
D:fict përmbylli fazën e tij të fundit me një ekspozitë të cilën ekipi i DokuFest e mbajti në katër shkolla të ndryshme në zonat rurale të Kosovës. Shkollat që u përzgjodhën për të shfaqur këtë ekspozitë ishin nga komuna e Gjilanit, Podujevës, Vushtrisë dhe Obiliqit.
Kjo ekspozitë erdhi si rezultat i punës së nxënësve që morën pjesë në tre trajnimet e këtij projekti. Këto trajnime kishin në fokus sigurinë kibernetike, procesin e krijimit të një dokumentari, si dhe në teknologjitë e realitetit AR/VR.
Në ekspozitë morën pjesë rreth 30 nxënës nga çdo shkollë. Nxënësit patën mundësinë të shihnin rezultatet finale të filmave të tyre dokumentarë të krijuar gjatë trajnimeve dhe në fund secili prej tyre pa filmat e krijuar VR përmes pajisjeve të siguruar nga DokuFest.
Për shumë prej tyre, kjo ishte hera e parë që kishin mundësinë të shihnin punën e tyre të ekspozuar publikisht duke u kthyer në një përvojë që frymëzoi jo vetëm ata, por edhe nxënësit e tjerë për të eksploruar më tej botën e filmit, teknologjisë dhe mendimit kritik.
Qëllimi i projektit D:fict ishte t’i ndihmojë të rinjtë të shprehin mendimet e tyre, të eksperiencojnë gjëra të reja dhe të përdorin krijimtarinë për të bërë diçka më të mirë për komunitetin e tyre.
Ky projekt implementohet në bashkëpunim me Parkun e Inovacionit dhe Trajnimit në Prizren të GIZ Kosova.
"Filmat edukativë si mjete kyçe për të inspiruar ndryshimin dhe për të promovuar dialogun ndërkulturor në shkolla. Një mundësi unike për nxënësit të zhvillojnë aftësi kritike të mendimit, të rrisin ndërgjegjësimin rreth çështjeve sociale dhe kulturore dhe të nxisin një qasje më të hapur dhe të përfshirëse ndaj mësimit. Përmes temave të tyre të fuqishme dhe narrativave të ndikshme, këto filma edukativë janë burime të pasura që mbështesin mësimdhënien inovative dhe kontribuojnë në ndërtimin e një shoqërie më të informuar, të ndërgjegjshme dhe demokratike."
DokuLab
Departamenti edukativ i DokuFest - DokuLab menaxhon Qendrën e Produksionit të Filmit për të Rinjë dhe fuqizon mësimdhënësit në përdorimin e mjeteve audio-vizuele në procesin mësimor dhe ndërlidhjen e tyre me metodat tradicionale, e që adresojnë çështjet komplekse, zhvillojnë mendimin kritik dhe promovojnë zhvillimin shoqëror tek të rinjtë.
© Dokufest. Të gjitha të drejtat e rezervuara.
