Rihapja e kinemasë “DokuKino”

Rihapja e kinemasë “DokuKino”

DokuKino sërish e hapur.

Jemi jashtëzakonisht të lumtur t’ju njoftojmë se po e rihapim kinemanë tonë DokuKino.

Kinemaja do të rihapet më 4 janar 2021 me shfaqjet e rregullta të filmave dokumentarë të distribuuar në Kosovë nga DokuFest dhe me shfaqje të filmave edukativ të përzgjedhur nga Why Foundation nga Danimarka.

Të gjitha shfaqjet e filmave do të jenë falas, pa pagesë.

PROGRAMI:

E HËNË, 4 JANAR 2021

18:00 “BRIGHT SIDE” dokumentari i shkurtë – në prezencë të autores së filmit Vlera Dani.
Kjo shfaqje gjithashtu do të shënojë edhe Ditën Botërore të Brailit, për të ngritur rëndësinë e Brailit si mjet komunikimi ashtu që të realizohen plotësisht të drejtat e njeriut për të verbërit dhe personat me aftësi të kufizuar shikimi.

E MARTË, 5 JANAR 2021

18:00 “SANS LE KOSOVO” dokumentar i shkurtë – nga Dea Gjinovci.
Në vitin 1968, Asllan Gjinovci student i fizikës në Universitetin e Prishtinës, pas involvimit në demonstrata në ish-Jugosllavi, detyrohet ta lë vendin e tij. Largimi i tij e lë atë larg familjes dhe vendlindjes për më se tridhjetë vite.

E MËRKURË, 6 JANAR 2021

18:00 “HONEYLAND” dokumentar – nga Tamara Kotevska dhe Ljubomir Steffanov.
Femra e fundit bletare në Evropë do të duhet të shpëtojë bletët dhe të mbajë balansin e natyrës në “Tokën e mjaltës”, pasi që një familje nomade mbajtëse e bletëve futet në tokën e saj dhe ia rrezikon mbijetesën asaj. Film i Maqedonisë së Veriut, dokumentar i parë i këtij vendi që nominohet në dy kategori për çmimin prestigjioz “Oskar”.

E ENJTE, 7 JANAR 2021

18:00 “STACIONI” dokumentar i shkurtë – në prezencë të autorit të filmit, Leart Rama.
Malet e larta në të dyja anët dhe një barkë e vogël në mes që thyejnë heshtjen e një pjesë të vogël dhe të harruar të Botës. Diçka aty fillon të lëvizë.

E PREMTE, 8 JANAR 2021

18:00 “MUBMBAI DISCONNECTED” dokumentar – nga Camilla Nielsson & Frederik Jacobi.
Nga tregimet botërore të ëHY Foundation: Tre persona ndajnë opinionet e tyre për transportin, ngarkesën, mbipopullimin dhe burokracinë në Mumbai, Indi.

E SHTUNË, 9 JANAR 2021

18:00 “COLD CASE HAMMERSKJOLD” dokumentar – nga Mads Brugger.
Producenti danez Mads Brugger dhe hulumtuesi privat suedez Goran Bjorkdahl tentojnë të zgjidhin vdekjen misterioze të Dag Hammarskjoldit. Sa i afrohen mbylljes së rastit, ata zbulojnë krim që ka konsekuenca shumë më të gjera.

E DIEL, 10 JANAR 2021

18:00 “THE EARTH IS BLUE AS AN ORANGE” – nga Iryna Tsilyk.
Të përjetosh çdo ditë traumën e jetesës në zonë lufte, Anna dhe fëmijët e saj e bëjnë një film që flet për jetën e tyre në njërën ndër rrethanat më surreale.

E HËNË, 11 JANAR 2021

18:00 “UNDER THE SUN” – nga Vitaly Mansky.
I xhiruar për më shumë se një vjet nën kontrollë strike të qeveritare, filmi tregon jetën konfliktuoze të një vajze të vogël të përzgjedhur për të qenë pjesë e Unionit të Fëmijëve të Koresë Veriore.