Aktivitetet

Me inicimin e projektit Filmi dhe Mediat Faktike dhe me marrëveshjet e bëra me DKA-të në pjesë të konisderueshme të Kosovës dhe Shkollat e Mesme gjithashtu, janë shfaqur filma dokumentarë për edukim në shkolla, të cilat kanë lehtësuar procesin mësimor te mësimdhënësit e interesuar, ku edhe nxënësit kanë qenë të kënaqur nga kjo metodë e shpjegimit të një njësie mësimore nga mësimdhënësi. Këto zhvillime kanë ndodhur në disa Komuna të Kosovës, për të theksuar interesimin më të madh në shkollat e mesme: Gjilan, Gjakovë dhe Prizren, derisa si aktivitet ka përshfirë me shfaqje filmash edhe Komunat: Prishtinë, Rahovec, Mamushë, Suharekë, Dragash, Lipjan, Kamenicë, Kaçanik, Han i Elezit. Si arsye kryesore në këtë sukses ka qenë interesimi i mësimdhënësve për të sjellë risi në orën mësimore duke qenë brenda Kornizës Kurrikulare dhe bërja e orës mësimore më tërheqëse për nxënësit nëpër Shkolla të ndryshme përgjatë gjithë Kosovës. Kjo më pas ka bërë që pas secilës shfaqje filmi të mbahen diskutime mësimdhënës-nxënës ashtu që të zhvillohet edhe më shumë mendimi kritik dhe përgjegjësia shoqërore te fëmijët e shkollave të mesme të Komunës. Të pamurit, dëgjimi, procesimi i materialit audio-vizuel ndihmon shumë më shumë në mendimin kritik sesa leximi i vetëm literaturës mësimore. Është vërejtur një interesim më i madh i nxënësve për njësinë mësimore në të gjitha shkollat ku mësimdhënësit kanë aplikuar përdorimin e filmit në mësim, që më parë s'ka ndodhur. Me lansimin e web-faqes së dedikuar për këtë program, aty tashmë kanë qasje të gjithë të interesuarit nga palët e përmendura, duke pasur të gjitha materialet e gatshme dhe të qasshme duke u regjistruar në platformë. Përfituesit e këtij programi janë të gjitha shkollat e mesme të Kosovës dhe nxënësit - që janë të interesuar për përdorimin e tyre. Përdorimi i mjeteve shtesë që ndikojnë në përmirësimin e mësimdhënies dhe mësimnxënies është i rekomanduar edhe nga Korniza Kurrikulare e Arsimit Parauniversitar nga Ministria e Arisimit Shkencës dhe Teknologjisë, prandaj aplikimi i kësaj metodologjie në shkollat e mesme të Kosovës është një vlerë e shtuar që po kontribuon si te mësimdhënësit për zhvillimin dhe përdorimin e metodave të reja, por edhe për nxënësit, të cilëve orën mësimore po ua bën më atraktive dhe njëkohësisht po ua lehtëson mësimnxënien si proces i rëndësishëm në zhvillimin e mendimit kritik të tyre dhe kompetencave të parapara si ai i të menduarit, pastaj kompetenca qytetare, për jetë, etj. Ky grant është financuar nga projekti ‘Përkrahja e Luksemburgut për shoqërinë civile në Kosovë’, financuar nga Qeveria e Dukatit të Madh të Luksemburgut dhe menaxhuar nga Fondacioni Kosovar për Shoqëri Civile (KCSF). Përmbajtja dhe rekomandimet e paraqitura nuk përfaqësojnë qëndrimin zyrtar të Qeverisë së Dukatit të Madh të Luksemburgut dhe Fondacionit Kosovar për Shoqëri Civile (KCSF).