Për qasje të plotë në Bibliotekën Digjitale ju duhet llogari aktive në DokuLab
Programet e trajnimit të DokuLab në vitin 2024
Kemi kënaqësinë t’i ndajmë statistikat e pjesëmarrjes në programet tona trajnuese gjatë vitit 2024.
Këtë vit, kemi trajnuar 211 mësimdhënës nga shkollat publike, 128 gra (61%) dhe 83 burra (39%), nga 26 komuna të Kosovës dhe 2 pjesëmarres nga Tirana, Shqipëri.
Trajnimet janë fokusuar në perdorimin e Bibliotekës Digjitale të Mësimdhënësit, krijimin e fletave të punës dhe integrimin e filmit në kurrikulën shkollore.
Mësimdhënësit gjithashtu kanë marrë pjesë në programe trajnuese në Edukimin Mediatik, dhe kanë fuqizuar aftësitë e tyre të zhvillimin e mendimin kritik, të drejtat e njeriut dhe barazi.
Gjithashtu, programet trajnuese për zhvillimin shoqeror të të rinjëve ka përfshirë 284 studentë nga 18 komuna të Kosovës dhe 3 studentë nga Tirana. Prej tyre, 157 ishin gra (55%) dhe 127 burra (45%).
Arritjet kryesore:
9 studentë (16-18 vjeç) prodhuan 8 filma permes shkollës së filmit "Future is Here".
36 studentë (18-25 vjeç) ishin pjesë e projektit 'Stories We Tell' që shërben si urë për dialog dhe mirëkuptim midis te rinjve nga komunitete te ndryshme në Kosovë.
239 studentë (12-16 vjeç) u shkathtésuan nê programe digjitale qe nxisin kreativitet permes projektit KIST+.
Faleminderit për mbështetjen, besimin dhe bashkêpunimin tuaj te vazhdueshêm!
"Filmat edukativë si mjete kyçe për të inspiruar ndryshimin dhe për të promovuar dialogun ndërkulturor në shkolla. Një mundësi unike për nxënësit të zhvillojnë aftësi kritike të mendimit, të rrisin ndërgjegjësimin rreth çështjeve sociale dhe kulturore dhe të nxisin një qasje më të hapur dhe të përfshirëse ndaj mësimit. Përmes temave të tyre të fuqishme dhe narrativave të ndikshme, këto filma edukativë janë burime të pasura që mbështesin mësimdhënien inovative dhe kontribuojnë në ndërtimin e një shoqërie më të informuar, të ndërgjegjshme dhe demokratike."
DokuLab
Departamenti edukativ i DokuFest - DokuLab menaxhon Qendrën e Produksionit të Filmit për të Rinjë dhe fuqizon mësimdhënësit në përdorimin e mjeteve audio-vizuele në procesin mësimor dhe ndërlidhjen e tyre me metodat tradicionale, e që adresojnë çështjet komplekse, zhvillojnë mendimin kritik dhe promovojnë zhvillimin shoqëror tek të rinjtë.
© Dokufest. Të gjitha të drejtat e rezervuara.
