DokuFest, në bashkëpunim me Fondin për të Drejtën Humanitare Kosovë, realizoi me sukses një sërë punëtorish trajnimi për mësimdhënës në…
Për qasje të plotë në Bibliotekën Digjitale ju duhet llogari aktive në DokuLab
DokuFest përmbyll Projektin D:Fict
Në qershor, DokuFest realizoi fazën e tretë të projektit D:Fict, këtë herë duke e fokusuar në Tregimin me AR/VR.
Workshop-in e udhëhoqi Jérémy Laurichesse, një producent francez që ka bashkëpunuar me DokuFest për disa vite gjatë festivalit. Fokusimi i tij këtë herë ishte pajisja e studentëve me njohuri të avancuara në tregimin impresiv, duke përdorur teknologjitë e realitetit të shtuar dhe virtual.
Workshop-et filluan me një prezantim të shkurtër mbi bazat e VR dhe një seri shfaqjesh filmash VR, ku pjesëmarrësit reflektuan mbi qasje të ndryshme të narrativës përmes ushtrimeve të brainstorming-ut. Kjo vazhdoi me pjesën e dytë të workshop-ut mbi shkrimin për VR, duke inkurajuar studentët të rishikojnë strukturat tradicionale të tregimit dhe t’i përshtatin ato në mjedise tërheqëse.
Në pasdite kaluam në ushtrimet praktike, përfshirë këtu edhe krijimi i skenës së historisë që krijuan në hapësira virtuale dhe eksperimentimin me xhirimin 360°.
Gjatë gjithë sesioneve, pjesëmarrësit angazhoheshin në pjesën teorike dhe praktike, duke bashkëpunuar gradualisht drejt një filmi virtual që do të integronte teknikat AR/VR dhe tregimin gjithëpërfshirës.
Trajnimi i tretë i D:Fict nuk u fokusua vetëm në aspektin teknologjik të AR/VR, por edhe në kreativitet dhe ndërveprim, duke u mundësuar pjesëmarrësve të zbulojnë forma alternative të komunikimit narrativ.
Ky projekt implementohet në bashkëpunim me Parkun e Inovacionit dhe Trajnimit në Prizren të GIZ Kosova.
"Filmat edukativë si mjete kyçe për të inspiruar ndryshimin dhe për të promovuar dialogun ndërkulturor në shkolla. Një mundësi unike për nxënësit të zhvillojnë aftësi kritike të mendimit, të rrisin ndërgjegjësimin rreth çështjeve sociale dhe kulturore dhe të nxisin një qasje më të hapur dhe të përfshirëse ndaj mësimit. Përmes temave të tyre të fuqishme dhe narrativave të ndikshme, këto filma edukativë janë burime të pasura që mbështesin mësimdhënien inovative dhe kontribuojnë në ndërtimin e një shoqërie më të informuar, të ndërgjegjshme dhe demokratike."
DokuLab
Departamenti edukativ i DokuFest - DokuLab menaxhon Qendrën e Produksionit të Filmit për të Rinjë dhe fuqizon mësimdhënësit në përdorimin e mjeteve audio-vizuele në procesin mësimor dhe ndërlidhjen e tyre me metodat tradicionale, e që adresojnë çështjet komplekse, zhvillojnë mendimin kritik dhe promovojnë zhvillimin shoqëror tek të rinjtë.
© Dokufest. Të gjitha të drejtat e rezervuara.
