DokuFest ka publikuar sot listën e plotë të filmave që do të marrin pjesë në programet garuese të edicionit të…
Për qasje të plotë në Bibliotekën Digjitale ju duhet llogari aktive në DokuLab
DokuFest përfundoi trajnimin e dytë në kuadër të projektit Yess
DokuFest ka përfunduar me sukses trajnimin e dytë në kuadër të projektit YESS – Krijimi i Tregimeve me Interes Njerëzor. Në këtë fazë, nxënësit nga shkolla të ndryshme zhvilluan 10 projekte filmike, duke kaluar nga ideja fillestare në procesin e xhirimeve.
Pas përfundimit të trajnimit të parë, ku nxënësit mësuan rreth tregimit dhe bazave të filmbërjes, trajnimi i dytë ishte i fokusuar në punë praktike. Ata punuan në grupe për të zhvilluar historitë e tyre, duke i kthyer ato në skenarë dhe duke nisur xhirimet.
Aktualisht, projektet janë në fazën e montazhit, dhe puna vazhdon për të finalizuar filmat. Paralelisht, është duke u përgatitur një makinoff që do të dokumentojë procesin e krijimit të këtyre 10 projekteve filmike, nga momenti i parë deri në fazat e fundit të realizimit.
Ky trajnim është një hap i rëndësishëm për të rinjtë që duan të mësojnë si të tregojnë histori përmes filmit dhe të përdorin këtë medium për të shprehur realitetet që i rrethojnë.
Ky projekt është mbështetur financiarisht nga Peacebuilding Fund në partneritet me UNICEF dhe IOM në Kosovë.
"Filmat edukativë si mjete kyçe për të inspiruar ndryshimin dhe për të promovuar dialogun ndërkulturor në shkolla. Një mundësi unike për nxënësit të zhvillojnë aftësi kritike të mendimit, të rrisin ndërgjegjësimin rreth çështjeve sociale dhe kulturore dhe të nxisin një qasje më të hapur dhe të përfshirëse ndaj mësimit. Përmes temave të tyre të fuqishme dhe narrativave të ndikshme, këto filma edukativë janë burime të pasura që mbështesin mësimdhënien inovative dhe kontribuojnë në ndërtimin e një shoqërie më të informuar, të ndërgjegjshme dhe demokratike."
DokuLab
Departamenti edukativ i DokuFest - DokuLab menaxhon Qendrën e Produksionit të Filmit për të Rinjë dhe fuqizon mësimdhënësit në përdorimin e mjeteve audio-vizuele në procesin mësimor dhe ndërlidhjen e tyre me metodat tradicionale, e që adresojnë çështjet komplekse, zhvillojnë mendimin kritik dhe promovojnë zhvillimin shoqëror tek të rinjtë.
© Dokufest. Të gjitha të drejtat e rezervuara.
