Filmi
Lënda
Përgatitur nga
Ky film dokumentar ka në objektiv çështjen e një adoleshenti transgjinor në Kosovë. Në film është rrëfimi në vetën e parë i një adoleshenti që nga momenti kur vëren shenjat e para që i pëlqejnë gjërat jokonvencionale e deri tek paragjykimet nga shoqëria dhe rrethi. Qysh nga fëmijëria, ky personazh nuk është ndjerë kurrë rehat me të qenurit i gjinisë mashkullore.
Gjithmonë e kanë tërhequr lodrat dhe gjësendet femërore, por duke qenë se është kritikuar nga prindërit e tij si dhe vet është ndjerë konfuz, ka filluar të besoj që është duke
bërë gjëra të gabuara dhe të papranueshme për shoqërinë. Me kalimin e viteve, gjendja psikike dhe emocionale e tij është përkeqësuar sidomos në periudhen e pubertetit, kur djaloshi bie në depresion dhe përjeton krizë të identitetit gjinor.
Filmi trajton një temë që është shumë pak e përmendur e lëre më e trajtuar në shoqërinë tonë, kjo edhe paraqitet qartë në film. Së pari, identifikimi personal, vështirësitë në zbulimin e identitetit, pranimi gradual i tij pavarësisht rrethanave dhe ndikimi i faktorëve siç janë familja, shoqëria e mbi të gjtha stereotipet e krijuara për vajza dhe për djem. Protagonisti rrëfen momentin se si është ndjerë kur ka vendosur për herë të parë buzëkuq, një produkt i prodhuar enkas për gra.
Rrëfimi vazhdon me përshkrimin e momenteve kur për herë të parë motra e tij kupton gjendjen e personazhit. Paraqet reagimin e saj fillestar dhe në fund pranimin e të vëllaut si transgjinor, e cila vjenë gradualisht si pasojë e informimit më të madh të saj për këtë realitet. Filmi përfundon me protagonistin i cili kthehet jetës normale duke pranuar realitetin për identitetin e tij/saj.
Zhvillimi i të menduarit kritik tek nxënësit trajton tema të ndryshme që evokojnë fenomene të ndryshme sociale dhe kulturore.
Gjuhët dhe komunikimi
Shkallën kurrikulare 5, klasa X dhe XI.
Kompetenca e komunikimit dhe të shprehurit (komunikon dhe gjykon në mënyrë të shëndoshë); Kompetenca e të menduarit (zhvillimi i të menduarit kritik, pasurimi me njohuri të reja);
Kompeteca qytetare (promovimi i vlerave demokratike dhe qytetare);
Kompetenca personale (zhvillimi i identitetit personal, njohja dhe respektimi i diversitetit);
-Zhvillimi i përgjegjësisë ndaj vetvetës, ndaj të tjerëve (shoqërisë dhe mjedisit);
-Kultivimi i identitetit personal dhe kombëtar.
Shfaqja e facilituar. Shfaqja e facilituar bazohet në ciklin e mësimnxënies. Një shfaqje filmi pasohet nga një diskutim me nxënësit. Ky proces ndihmon nxënësit që të shikojnë filmin me sy kritik, reflektojnë, angazhohen duke e parë problemin lokal në kontekst global, duke praktikuar anët pozitive dhe rrjedhimisht të merren veprime të duhura që mund të ndikojnë në ndryshim shoqëror. Ky udhëzues e faciliton diskutimin në ambientin e klasës.
Shikoni Filmin. Nxënësit e shikojnë filmin në grup.
Reflektoni mbi filmin. Pas shfaqjes, nxënësit reflektojnë mbi filmin e shikuar, duke i ndarë pikëpamjet, ndjenjat, emocionet dhe reagimet e tyre. Thelbësore për këtë qasje është njohja që çdo individ ka ide dhe mban vlera unike që janë të rëndësishme për ta. Duke e ndarë këtë, njohja dhe respektimi i ideve, ndjenjave dhe vlerave të ndryshme, ndihmon audiencën për të mësuar nga njëri-tjetri, duke krijuar kështu një diversitet.
Shihni përtej kontekstit lokal. Gjatë diskutimeve, pjesëmarrësit duhet të ekzaminojnë, debatojnë dhe analizojnë çështjet e ngritura në film. Për ta vazhduar këtë më tej, nxënësit inkurajohen të lidhin filmin dhe çështjet në jetën e tyre personale dhe t’i kuptojnë më mirë njohuritë e përbashkëta që ata posedojnë.
Vepro. Nxënësit i konsiderojnë veprimet që mund t’i ndërmarrin për të adresuar inferioritetin, vetëbesimin e vetëvlerësimin në jetën e tyre dhe të komuniteteve, vendeve edhe atyre të nivelit ndërkombëtar.
1. Çfarë njohuri kanë nxënësit rreth identitetit personal dhe identitetit gjinor (kl. XII)? 2. Çfarë kuptoni me pargjykim, stereotipizim dhe diskriminim (kl. XI)?
Shikimi i filmit, ditari dy pjesësh, gjatë dhe pas shikimit të filmit nxënësve u kërkohet të mbajnë shenime në formë “citati” dhe komenti”.
Diskutim në çifte
Qëllimet e Zhvillimit të Qëndrueshëm (SDG), të njohura gjithashtu si Qëllimet Globale, u miratuan nga të gjitha Shtetet Anëtare të Kombeve të Bashkuara në 2015 si një thirrje universale për veprim për t’i dhënë fund varfërisë, për të mbrojtur planetin dhe për të siguruar që të gjithë njerëzit të gëzojnë paqe dhe prosperitet deri në vitin 2030.
17 SDG janë të integruara - domethënë, ata e pranojnë që veprimi në një zonë do të ndikojë në rezultatet në të tjerët, dhe se zhvillimi duhet të balancojë qëndrueshmërinë sociale, ekonomike dhe mjedisore.
Nëpërmjet premtimit për të lënë askend pas, vendet janë zotuar të ndjekin përparimin e shpejtë për ata më të rrezikuarit sa më parë. Kjo është arsyeja pse SDG-të janë krijuar për të sjellë botën në disa ‘zero’ që ndryshojnë jetën, duke përfshirë zero varfërinë, urinë, SIDA’n dhe diskriminimin ndaj grave dhe vajzave.
Të gjithë janë të nevojshëm për të arritur këto objektiva ambiciozë. Krijimtaria, njohuria, teknologjia dhe burimet financiare nga e gjithë shoqëria është e nevojshme për të arritur SDG-të në çdo kontekst.
DokuFest përmes programit edukativ në kuadër të departamentit DokuLab është përkushtuar që të senzibilizojë rininë, për të mësuar më shumë për Qëllimet e Zhvillimit të Qëndrueshëm kryesisht përmes shfaqjeve të filmave nëpër shkolla dhe trajnimit të mësimdhënësve në përdorimin e filmit dhe mjeteve audiovizuale në procesin mësimor. Ky udhëzues është prodhuar me këtë qëllim dhe është i bashkërenduar me kornizën kurrikulare të arsimit parauniversitar.
Lexo më shumë në këtë temë:
Për të kërkuar shfaqjen e filmit, vizitoni Bibliotekën Digjitale të Mësimdhënësit.