The Bright Side

Përshkrimi i filmit

“The Bright Side” është një film që na rrëfen për një zonjë që ka humbur shikimin, por që e gjejmë aq fortë të pasionuar pas fushës së artit e që kryesisht është muzika dhe piktura. Motivi i asaj është shumë inspirues edhe për shumë individ tjerë që besoj me rrëfimin e saj për shumë kategori tjera të shoqërisë tonë do të ketë një qasje tejet frymëzuese.

Yllka Berisha një zonjë nga Prizreni, që është duke studiuar psikologjinë por ajo me shumë admirim na tregon për pasionet e saj ndaj muzikës dhe artit, për sukseset e saj dhe çmimet që i ka fituar me pikturat e punuara.

“E du pianon shumë, është ai instrumenti që ma knaq veshin”

Yllka me shumë dashuri shprehet për pianon, një ndër instrumenete që ajo e veçon edhe e bënë të ndjehet mirë. Po ashtu ajo vazhdon të na rrëfej me shumë pasion edhe për pikturën, ku ne atë e shohim me një punim që fol për diellin dhe ujin çka do të thotë se Yllka na ofron edhe sqarime për punimet e saj, po ashtu ajo ka një dashuri të veçantë për natyrën. Angazhimi i saj si dhe sukseset e bëjnë Yllkën të jetë aq motivuese dhe shumë inspiruese qoftë për vetën dhe të tjerët. Mandej Yllka tregon për vallëzimin që e bënë të ndjehet mirë, arti në përgjithësi atë e bënë të lumtur.

“Të humbasësh shikimin nuk do të thotë të humbasësh shpresën për jetë, vullnetin dhe vizionin”

Kur ne si shoqëri e ndëgjojmë këtë fjali të zonjës Yllka, duhet të jemi kritik ndaj vetës dhe të punojmë më shumë për personat me nevoja të veçanta të kërkojmë nga institucionet kushte më të mira për shkollim apo ashtu edhe të j’u krijojmë vende pune, ku ata me talentet që posedojnë të i shërbejnë institucioneve përkatëse. Yllka një individ që të motivon, të jep vullnet e shumë inspirim. Yllka vërtet është e ndritshme.

Shfaqja e facilituar

Shfaqja e facilituar bazohet në ciklin e mësimnxënies. Një shfaqje filmi pasohet nga një diskutim me audiencën. Ky proces ndihmon audiencën që të shikojnë filmin me sy kritik, reflektojnë, angazhohen duke parë problemin lokal në kontekst global dhe përfundimisht të merren me veprime të duhura që mund të ndikojnë në ndryshim shoqëror. Ky udhëzues e faciliton diskutimin në ambient të klasës.

Shikoni filmin. Publiku e shikon filmin si grup.

Reflektoni mbi filmin. Pas shfaqjes, audienca reflekton mbi filmin e shiquar, duke i ndarë pikëpamjet, ndjenjat dhe reagimet e tyre. Thelbësore për këtë qasje është njohja që çdo individ ka ide dhe mban vlera që janë të rëndësishme për ta. Duke e ndarë këtë, njohja dhe respektimi i ideve, ndjenja dhe vlerave të ndryshme ndihmon audiencën për të mësuar nga njëri-tjetri.

Shihni përtej kontekstit lokal. Gjatë diskutimeve, pjesëmarrësit duhet të ekzaminojnë, debatojnë dhe analizojnë çështjet e ngritura në film. Për të marrë këtë më tej, audienca inkurajohet të lidh filmin dhe çështjet në jetën e tyre dhe t’i kuptojnë më mirë njohuritë e përbashkëta që ata posedojnë.

Vepro. Audienca i konsideron veprimet që mund të ndërmarrin për të adresuar varfërinë dhe pabarazinë në jetën e tyre dhe të komuniteteve, vendeve por edhe në nivel ndërkombëtar.