Worksheets

Përshkrimi i filmit

Filmi dokumentar “Stacioni i autobusit” flet për një grua të moshuar Anxhela e cila ngacmohet nga një grup adoleshentësh. Një nga ngacmuesit, Karteri, në një moment të papritur për të, ballafaqohet sërish me gruan e që çon në një rezultat të papritur. Filmi fillon pikërisht me tre adoleshentët që e sulmojnë mbrapa në kokë gruan.

Pavarësisht kësaj, të tre djemtë nuk i kërkojnë falje për sjelljen e tyre por vazhdojnë ta nënçmojnë duke e quajtur kokë-thinjur. Por ndodh diçka e papritur. Njëri nga ngacmuesit, Karter, qëlloi që Anxhelan, gruan që  ditë më parë e ngacmoi, tashmë e kishte fqinj. Nëna e tij dhe Karter kishin shkuar në shtëpi te Anxhelas. Karter u habit kur e pa!

Anxhela kishte punuar si mësuese. Nëna e Karterit shpreh dëshirën që Anxhela të punojë me djalin e saj meqë ky kishte probleme me nota. Anxhela pranoi të ishte mësuese e Karterit, pavarësisht që djali nuk donte që Anxhela të ishte mësuesja e tij. Karter filloi të ndjek mësimet tek Anxhela. Nuk ishte dëshira e tij, por detyrimi i nënës.

Metoda e mësimdhënies që zgjodhi Anxhela për ta edukuar Karterin, bëri që Karter të ndryshojë jo vetëm sjellje por edhe qëndrim se si duhet të trajtohet një person në moshë.

Kompetencat

◎ Kompetenca e komunikimit dhe të të shprehurit - Komunikues efektiv (Shprehet përmes një forme të komunikimit, për një temë të caktuar në një material prej 200 fjalësh dhe veçon çështjet kryesore të ngritura në material (prezantim).

◎ Kompetenca e të menduarit - Mendimtar kreativ (Në forma të ndryshme të të shprehurit prezanton mënyrën e grumbullimit, të zgjedhjes dhe të klasifikimit të informatave për fusha të ndryshme mësimore apo temë të caktuar, ofron argumente për zhvillimet aktuale lidhur me temën përkatëse (p.sh., temë nga shkenca, nga kultura, nga mjedisi etj).

◎ Kompetenca e të nxënit - Nxënës i suksesshëm (Demonstron shkathtësi funksionale në lexim-shkrim, në matematikë, në jetën e përditshme, në përmbushjen e kërkesave të ndryshme për kryerjen e një detyre apo aktiviteti dhe gjatë të nxënit të dijeve të reja në ndonjë fushë të caktuar mësimore.)

◎ Kompetenca qytetare - Qytetar i përgjegjshëm (Demonstron veprime të ndryshme që shprehin tolerancë (klasë, shkollë, lagje, etj.) dhe i shpjegon ato në një debat me të tjerët.)

Rezultatet e të nxënit

⦿ Përshkruan ndryshimet fizike në moshën e rritur;

⦿ Njeh karakteristikat e zhvillimit mendor tek të rriturit;

⦿ Vlerëson rëndësinë e zhvillimit socio-emocional në moshën e rritur.

Shfaqja e facilituar

Shfaqja e facilituar bazohet në ciklin e mësimnxënies. Një shfaqje filmi pasohet nga një diskutim me audiencën. Ky proces ndihmon audiencën që të shikojnë filmin me sy kritik, reflektojnë, angazhohen duke parë problemin lokal në kontekst global dhe përfundimisht të merren me veprime të duhura që mund të ndikojnë në ndryshim shoqëror. Ky udhëzues e faciliton diskutimin në ambient të klasës.

Shikoni filmin. Publiku e shikon filmin si grup.

Reflektoni mbi filmin. Pas shfaqjes, audienca reflekton mbi filmin e shiquar, duke i ndarë pikëpamjet, ndjenjat dhe reagimet e tyre. Thelbësore për këtë qasje është njohja që çdo individ ka ide dhe mban vlera që janë të rëndësishme për ta. Duke e ndarë këtë, njohja dhe respektimi i ideve, ndjenja dhe vlerave të ndryshme ndihmon audiencën për të mësuar nga njëri-tjetri.

Shihni përtej kontekstit lokal. Gjatë diskutimeve, pjesëmarrësit duhet të ekzaminojnë, debatojnë dhe analizojnë çështjet e ngritura në film. Për të marrë këtë më tej, audienca inkurajohet të lidh filmin dhe çështjet në jetën e tyre dhe t’i kuptojnë më mirë njohuritë e përbashkëta që ata posedojnë.

Vepro. Audienca i konsideron veprimet që mund të ndërmarrin për të adresuar varfërinë dhe pabarazinë në jetën e tyre dhe të komuniteteve, vendeve por edhe në nivel ndërkombëtar.