Worksheets

Përshkrimi i filmit

“Shokët e mi” është një rrëfim i shkurtë mbi jetën e një adoleshenti, viktimë e bullizmit në Kosovë. Bullizëm konsiderohet ajo dukuri ku një/disa individë përdorin lëndimin si mënyrë për të dëmtuar vetëvlerësimin e viktimës.

Një person përfshihet në bullizëm kur ekspozohet vazhdimisht dhe për një periudhë kohe ndaj veprimeve negative, nga një apo më shumë personave. Bullizmi është një dhunë e zgjatur, fizike apo psikologjike, nga një person apo grup personash, e drejtuar ndaj një personi cili nuk mund të mbrohet në atë situatë. Bullizmi është ajo situatë ku një person përdor forcën në mënyrë të qëllimshme, me synimin për të lënduar tjetrin në mënyrë të përsëritur; është dëshirë e ndërgjegjshme për të lënduar dhe për të vendosur tjetrin nën stres.

Në këtë rrëfim kemi të përfshirë ofendimet, talljet, të folurin si ngacmim seksual. Viktima e këtij lloji të bullizmit tregon se si e ka vuajtur këtë gjersa ishte në shkollë fillore e me shpresë që në shkollimin e mesëm nuk do t`i përsëritet gjë e cila nuk ndodhi.

Tipet e bullizmit janë:

-Fizike-goditja, pengimi, shkelmi si dhe shkatërrimi i një prone të fëmijës
-Verbale-tallja, ngacmimi, komente të papërshtatshme
-Psikologjike ose sociale-shpërndarja e thashethemeve mbi fëmijën, vënia në lojë në publik, përjashtimi nga një grup.
-Elektronike-bullizmi online përfshin të gjitha mediumet elektronike si email-i, ueb faqet, rrjetet sociale, mesazhet, videot, etj. të përdorura për kërcënim ose lëndim.
-Të përballesh me një agresor është e vështirë për çdo adoleshent sidomos në ambientet e shkollës.
-Gjetja e një shoku që e mbështet ishte e vështirë, mirëpo mbështetjen me te fuqishme për të dal nga kjo gjendje e gjeti tek shokët virtual, të cilët e bën të ndihet i vlerësuar.

Kompetencat

◎ Kompetenca e të menduarit (Zgjidhja e problemeve)

◎ Kompetenca personale (1. Shfaqje e bashkë ndjesisë për të tjerët; 2. Bërja e zgjedhjeve të përgjegjshme për shëndetin personal)

◎ Kompetenca qytetare (1. Mirëkuptim dhe respektim i dallimeve ndërmjet njerëzve; 2. Tolerancë dhe respekt për të tjerët)

Rezultatet e të nxënit

⦿ Zhvillimi i përgjegjësisë ndaj vetes, ndaj të tjerëve, ndaj shoqërisë dhe ndaj mjedisit.

⦿ Aftësimi për mësim gjatë gjithë jetës.

Shfaqja e facilituar

Shfaqja e facilituar bazohet në ciklin e mësimnxënies. Një shfaqje filmi pasohet nga një diskutim me audiencën. Ky proces ndihmon audiencën që të shikojnë filmin me sy kritik, reflektojnë, angazhohen duke parë problemin lokal në kontekst global dhe përfundimisht të merren me veprime të duhura që mund të ndikojnë në ndryshim shoqëror. Ky udhëzues e faciliton diskutimin në ambient të klasës.

Shikoni filmin. Publiku e shikon filmin si grup.

Reflektoni mbi filmin. Pas shfaqjes, audienca reflekton mbi filmin e shiquar, duke i ndarë pikëpamjet, ndjenjat dhe reagimet e tyre. Thelbësore për këtë qasje është njohja që çdo individ ka ide dhe mban vlera që janë të rëndësishme për ta. Duke e ndarë këtë, njohja dhe respektimi i ideve, ndjenja dhe vlerave të ndryshme ndihmon audiencën për të mësuar nga njëri-tjetri.

Shihni përtej kontekstit lokal. Gjatë diskutimeve, pjesëmarrësit duhet të ekzaminojnë, debatojnë dhe analizojnë çështjet e ngritura në film. Për të marrë këtë më tej, audienca inkurajohet të lidh filmin dhe çështjet në jetën e tyre dhe t’i kuptojnë më mirë njohuritë e përbashkëta që ata posedojnë.

Vepro. Audienca i konsideron veprimet që mund të ndërmarrin për të adresuar varfërinë dhe pabarazinë në jetën e tyre dhe të komuniteteve, vendeve por edhe në nivel ndërkombëtar.