Worksheets

Përshkrimi i filmit

Gjinia femërore e fjalës “yll”. Një pikë shëndritëse e fiksuar në qiell, trup i largët që emeton energji dhe është i dukshëm gjatë natës”. YLLKA f.

Filmi dokumentar “Pa përkufizim” trajton paragjykimet, stereotipet si dhe diskriminimin në shoqërinë tonë. Stereotipet mund të gjenden edhe në libra, vizatime komike, reklama ose filma. Pikëpamje dhe ide të tilla shumë shpesh nuk kanë të përbashkët asgjë me realitetin dhe shpesh janë të pafavorshme apo armiqësore. Është shumë e rëndësishme të vetëdijësohemi dhe të informohemi për rolet gjinore, të cilat varen nga një kontekst i veçantë shoqëroro -ekonomik, politik apo kulturor dhe ndikohen nga faktorë tjerë si: raca, prejardhja, etnia, klasa, orientimi seksual dhe mosha.

Ky film dokumentar përmes disa personazheve na shpërfaq realitetin kosovar të ndërthurur në mes paragjykimeve dhe stereotipeve. Secili personazh tregon historinë e tij/saj që lidhen me paragjykimet, stereotipet, rolet, dallimet gjinore, fetare, racore, lirinë e shprehjes, vlerat morale, stigmatizimin, diskriminimin, identitetin, të qenurit i pavarur, sfidat, zhgënjimin, demoralizimin, mbijetesën. Por “Unë dua atë që bëjë sepse e bëjë atë që e ndjejë,  sepse besoj që mund të jem inspirim i dikujt tjerët” shprehet Jeta derisa tregon historinë e saj.

Ndërkaq Era pohon se rrallë ka pa dikënd që ka dalë prej kornizave që shoqëria i ka përcaktuar dhe trashëguar, e që për të paraqesin dyert e një burgu emocional dhe shpirtëror, edhe pse gjithmonë është munduar me ju përshtatë rrjedhave. Sipas saj “Nëse me kanë vetvetja është marre edhe me ndjekë intuitën është ekzagjerim, atëherë  cila është esenca e jetës?”.

Kompetencat

◎ Kompetenca e komunikimit dhe të të shprehurit;
◎ Kompetenca e të menduarit;
◎ Kompetenca personale;
◎ Kompetenca qytetare;

Rezultatet e të nxënit

⦿ Promovimi i vlerave demokratike, kulturore dhe qytetare;

⦿ Aftësimi për mësim gjatë gjithë jetës;

⦿ Zhvillimi i identitetit personal dhe njohja dhe respektimi i identiteteve dhe përkatësive të ndryshme sociale, etnike, gjinore, fetare, seksuale, racore, kulturore etj.

Shfaqja e facilituar

Shfaqja e facilituar bazohet në ciklin e mësimnxënies. Një shfaqje filmi pasohet nga një diskutim me audiencën. Ky proces ndihmon audiencën që të shikojnë filmin me sy kritik, reflektojnë, angazhohen duke parë problemin lokal në kontekst global dhe përfundimisht të merren me veprime të duhura që mund të ndikojnë në ndryshim shoqëror. Ky udhëzues e faciliton diskutimin në ambient të klasës.

Shikoni filmin. Publiku e shikon filmin si grup.

Reflektoni mbi filmin. Pas shfaqjes, audienca reflekton mbi filmin e shiquar, duke i ndarë pikëpamjet, ndjenjat dhe reagimet e tyre. Thelbësore për këtë qasje është njohja që çdo individ ka ide dhe mban vlera që janë të rëndësishme për ta. Duke e ndarë këtë, njohja dhe respektimi i ideve, ndjenja dhe vlerave të ndryshme ndihmon audiencën për të mësuar nga njëri-tjetri.

Shihni përtej kontekstit lokal. Gjatë diskutimeve, pjesëmarrësit duhet të ekzaminojnë, debatojnë dhe analizojnë çështjet e ngritura në film. Për të marrë këtë më tej, audienca inkurajohet të lidh filmin dhe çështjet në jetën e tyre dhe t’i kuptojnë më mirë njohuritë e përbashkëta që ata posedojnë.

Vepro. Audienca i konsideron veprimet që mund të ndërmarrin për të adresuar varfërinë dhe pabarazinë në jetën e tyre dhe të komuniteteve, vendeve por edhe në nivel ndërkombëtar.