Worksheets

Përshkrimi i filmit

Gjithnjë e më shumë rrjetet sociale po vjedhin kohën, jetën tonë, ashtu si asnjë formë tjetër e revolucionit teknologjik të realizuar ndër vite. Janë copëza informacionesh që rrezikojnë ta zhysin individin në një botë irracionale, supersticioze dhe jo të vërtetë, ndërkohë që në këto rrjete kemi dhe përmbysje të imazheve dhe fjalëve të shkruara.

Filmi dokumentar ”This is Tringa” përshkruan ndikimin e rrjeteve sociale në jetën e të rinjve, duke shtrembëruar realitetin ekzistues me anë të postimit të fotografive në rrjetet sociale. Tringa një vajzë adoleshente ndan historinë personale për të treguar vështirësitë që ka hasur në shoqëri, edhe ajo nuk mund të shmang rëndësinë e ndikimet sociale tek gjendja shpirtërore e saj.

Në këtë film, Tringa mos pranimin social nga të tjerët, mundohet ta mbulojë duke postuar imazhe në rrjetet sociale si një person i lumtur dhe e rrethuar me miq, ndërsa realiteti ka qenë krejt ndryshe nga që ajo përjeton shumë ngacmime verbale, përjashtim nga grupi, diskriminim, përbuzje nga gjithë klasa dhe shoqëria.

Kompetencat

◎ Kompetenca e komunikimit dhe të të shprehurit - Komunikues efektiv (Shpreh mendimin e lirë, opinionin dhe qëndrimin për një temë të caktuar nga jeta, shkenca, shoqëria, duke përdorur forma të ndryshme të komunikimit me gojë me shkrim etj.)

◎ Kompetenca e të menduarit - Mendimtar kreativ (Në forma të ndryshëm prezanton mënyrën e grumbullimit, të zgjedhjes dhe të klasifikimit të informatave për një temë të caktuar, ofron argumente për zhvillimin aktual lidhur me temën përkatëse)

◎ Kompetenca qytetare – Qytetar i përgjegjshëm (Shpjegon të drejtat, detyrat dhe përgjegjësitë e individit në raste të ndryshme, si: në shtëpi, në klasë, në shkollë, në shoqëri, dallon rastet kur hyjnë në konflikt me njëri-tjetrin dhe paraqet alternativa të zgjidhjes së tyre)

Rezultatet e të nxënit

⦿ Aftësim për mësim gjatë gjithë jetës;

⦿ Përgjegjësia ndaj vetës si dhe shoqërisë;

⦿ Krijimi i identitetit personal.

Shfaqja e facilituar

Shfaqja e facilituar bazohet në ciklin e mësimnxënies. Një shfaqje filmi pasohet nga një diskutim me audiencën. Ky proces ndihmon audiencën që të shikojnë filmin me sy kritik, reflektojnë, angazhohen duke parë problemin lokal në kontekst global dhe përfundimisht të merren me veprime të duhura që mund të ndikojnë në ndryshim shoqëror. Ky udhëzues e faciliton diskutimin në ambient të klasës.

Shikoni filmin. Publiku e shikon filmin si grup.

Reflektoni mbi filmin. Pas shfaqjes, audienca reflekton mbi filmin e shiquar, duke i ndarë pikëpamjet, ndjenjat dhe reagimet e tyre. Thelbësore për këtë qasje është njohja që çdo individ ka ide dhe mban vlera që janë të rëndësishme për ta. Duke e ndarë këtë, njohja dhe respektimi i ideve, ndjenja dhe vlerave të ndryshme ndihmon audiencën për të mësuar nga njëri-tjetri.

Shihni përtej kontekstit lokal. Gjatë diskutimeve, pjesëmarrësit duhet të ekzaminojnë, debatojnë dhe analizojnë çështjet e ngritura në film. Për të marrë këtë më tej, audienca inkurajohet të lidh filmin dhe çështjet në jetën e tyre dhe t’i kuptojnë më mirë njohuritë e përbashkëta që ata posedojnë.

Vepro. Audienca i konsideron veprimet që mund të ndërmarrin për të adresuar varfërinë dhe pabarazinë në jetën e tyre dhe të komuniteteve, vendeve por edhe në nivel ndërkombëtar.