Përshkrimi i filmit
Filmi EXIT paraqet histori sa fascionuese aq edhe interesante lidhur me pikëpamje të ndryshme lidhur me lëvizjet radikale në Gjermani, Norvegji, Danimarkë dhe vende tjera si dhe ndikimin e propagandës në shoqëri. Bashkimi në lëvizje ekstremiste të krahut të djathtë, neo-nazistëve, grupeve militante fashiste për shumë adoleshent ka qenë strehë dhe vend për të shprehur ekstremizëm të dhunshëm përmes veprimeve të tyre sa mizore po aq edhe të frikshme dhe të turpshme. Manipulimi dhe ndikimi nga këto grupe kishte ndikim të madhë sidomos tek moshat prej 13 deri 16 vjeçare, kohë kur kriza e personalitetit dhe krijimi i identitetit është sfidë për këto grup mosha. Dhe se çfarë ndodhë kur një person i ri bashkohet një lëvizje radikaliste/ekstremiste dhe frymëzimi që kanë marrë për tu larguar nga lëvizjet duke kërkuar ndihmë përmes programeve të ndryshme.
Një nga personazhet më të rëndësishme dhe interesante Manuel do ta trajtoj gjatë përshkrimit të filmit dokumentar EXIT për shkak të rëndësisë dhe ndikimit që mund të ketë gjatë rrëfimit të tij.
Manuel ishte udhëheqësi i një grupi paramilitar neo-nazist. Pseudonimi i tij ishte pistoleta, ai e ka lënë lëvizjen dhe jeton në arrati. Manuel u rrit në Gjermaninë Lindore, kur ishte 13 vjeç, ai u bashkua me një grup neo-nazist. Miqtë e tij që të gjithë iu bashkuan krahut të djathtë, dhe kështu bëri dhe ai. Ndiente që kishte të drejtë dhe ishte krenar për këtë në atë kohë. Manuel u dënua për grabitje, sulm, dhe zjarrvënie. Ai ishte ende një neo-nazist i bindur. Gjatë qëndrimit në burg ndodhi diçka e papritur, pas një grindjeje me një të burgosur amerikan kaluan në kacafytje, në këtë rast dy të burgosur turq i erdhën në ndihmë. “Që dy “kafshë” erdhën për të ndihmuar një qenie njerëzore. Dy “njerëz” erdhën për të më ndihmuar, një gjerman “Majmunët” duke luftuar kundër njerëzve për të ndihmuar një njeri tjetër”. Manuel kontaktoi Exit Germany dhe mori ndihmë për të lënë lëvizjen në vitin 2006 dhe kurrë nuk ka menduar të kthehet në lëvizjen e krahut të djathtë sepse i pëlqen jeta që jeton tani shumë më shumë. “Është më e rrezikshme, por është e sinqertë, ndjenja reale, fjalë të vërteta dhe miq të vërtetë”. Gjërat nuk janë duke shkuar mirë për Manuelin pasi e dashura e ka braktisë dhe neo-nazistët e dinë se ku jeton. Atë e sulmuan neo-nazistët, nuk mund të fle qetë dhe nuk e dinë sa të guximshëm janë “Nuk jam i shqetësuar për vetën time, po për vajzën”. Më quajnë “çifut i ndyrë”, më sulmuan, më rrëzuan për toke, mi thyen dhëmbët shprehet ai. Gjithashtu Manuel kujton momentet kur sulmoi dy gra, njëra nga to ishte shtatëzënë te cilen e goditi në barkë derisa pësoi lëndime të mëdha “dhe prej atij momenti nuk mund ti shikoj njerëzit në sy” sepse gjithmonë i shoh sytë e asaj gruaje. Këto dy incidente të veçanta ku kishte fëmijë, Manueli kurrë nuk mund të ja falë vetës dhe është arsyeja pse i jep vajzës se tij aq shumë dashuri dhe vëmendje. Dhe ndoshta nëpërmes vajzës disi po këkron falje. Manuel ka pasur një trajtim psikologjik pasi u largua nga lëvizja “Por unë kurrë nuk mund ta falë veten” thote ai.
Kompetencat
◎ Kompetenca e komunikimit dhe të të shprehurit - Komunikues efektiv;
◎ Kompetenca e të menduarit - Mendimtar kreativ;
◎ Kompetenca e të nxënit - Nxënës i suksesshëm.
Rezultatet e të nxënit
⦿ Promovimi i vlerave demokratike, kulturore dhe qytetare;
⦿ Aftësimi për mësim gjatë gjithë jetës;
⦿ Zhvillimi i identitetit personal dhe njohja, si dhe respektimi i identiteteve dhe përkatësive të ndryshme sociale, etnike, gjinore, fetare, seksuale, racore, kulturore etj.
