Edukimin e nxënësve në lidhje me bulizmin në internet dhe pasojat e tij

Përshkrimi i filmit

Filmi tregon për vështirësitë që has një vajzë adoleshente për t’u pranuar nga të tjerët pasi që bëhet pjesë e rrjeteve sociale. Ajo ndihet gjithmonë në presion për pritjet që kanë ndjekësit e saj. Në fillim merr komente pozitive nga ndjekësit, por kur fillon të marrë komente negative fillon të shqetësohet dhe krijon imazh negativ për veten.

Kompetencat

◎ Kompetenca e komunikimit dhe e të shprehurit - komunikues efektiv (Me ndihmën e filmit, nxënësit do t’i perfeksionojnë shkathtësitë e komunikimit verbal dhe jo verbal. Nxënësit do të njohin njëri-tjetrin më shumë, do të jenë me të hapur dhe diskutimet mes tyre do të jenë më efektive)

◎ Kompetenca e të menduarit - Mendimtar kreativ (Filmi rritë kreativitetin e adoleshentëve, nxitë të menduarit kritik-reflektues, që do t’iu ndihmojë edhe në të ardhmen)

◎ Kompetenca e të nxënit – Nxënës i sukseshëm (Shikimi i filmit e posaçërisht diskutimet pas tij, ndihmojnë adoleshentët në përvetësimin më të lehtë të të nxënit)

Rezultatet e të nxënit

⦿ Parandalimi i bulizmit në internet,

⦿ Parandalimi i paragjykimit,

⦿ Pasojat e shkallëzuara dhe veprimet përmirësuese,

⦿ Edukimi i nxënësve në lidhje me bulizmin në internet dhe pasojat e tij.

Shfaqja e facilituar

Shfaqja e facilituar. Shfaqja e facilituar bazohet në ciklin e mësimnxënies. Një shfaqje filmi pasohet nga një diskutim me nxënësit. Ky proces ndihmon nxënësit që të shikojnë filmin me sy kritik, reflektojnë, angazhohen duke e parë problemin lokal në kontekst global, duke praktikuar anët pozitive dhe rrjedhimisht të merren veprime të duhura që mund të ndikojnë në ndryshim shoqëror. Ky udhëzues e faciliton diskutimin në ambientin e klasës.

Shikoni Filmin. Nxënësit e shikojnë filmin në grup.

Reflektoni mbi filmin. Pas shfaqjes, nxënësit reflektojnë mbi filmin e shikuar, duke i ndarë pikëpamjet, ndjenjat, emocionet dhe reagimet e tyre. Thelbësore për këtë qasje është njohja që çdo individ ka ide dhe mban vlera unike që janë të rëndësishme për ta. Duke e ndarë këtë, njohja dhe respektimi i ideve, ndjenjave dhe vlerave të ndryshme, ndihmon audiencën për të mësuar nga njëri-tjetri, duke krijuar kështu një diversitet.

Shihni përtej kontekstit lokal. Gjatë diskutimeve, pjesëmarrësit duhet të ekzaminojnë, debatojnë dhe analizojnë çështjet e ngritura në film. Për ta vazhduar këtë më tej, nxënësit inkurajohen të lidhin filmin dhe çështjet në jetën e tyre personale dhe t’i kuptojnë më mirë njohuritë e përbashkëta që ata posedojnë.

Vepro. Nxënësit i konsiderojnë veprimet që mund t’i ndërmarrin për të adresuar inferioritetin, vetëbesimin e vetëvlerësimin në jetën e tyre dhe të komuniteteve, vendeve edhe atyre të nivelit ndërkombëtar.

Psikologët dhe mësimdhënësit duhet të kenë parasysh:

• Përkufizime specifike të bulizmit dhe bulizmit në internet
• pasojat e shkallëzuara dhe veprimet përmirësuese
• procedurat për raportim
• procedurat për hetim
• një deklaratë e qartë se nxënësit do të disciplinohen nëse sjellja e tij/saj (brenda ose jashtë shkollës) rezulton në një përçarje të konsiderueshme të mjedisit arsimor, dhe
• procedurat për edukimin e nxënësve, stafit dhe prindërve në lidhje me bulizmin në internet.

Në bazë të kësaj psikologët shkollor dhe mësimdhënësit kryejnë një vlerësim të nevojave dhe vlerësim të programit në lidhje me agresionin, dhunën dhe bulizmin. Trajnojnë stafin e shkollës në zhvillimin dhe zbatimin e ndërhyrjeve pozitive të sjelljes që parandalojnë bulizmin, zvogëlojnë përfshirjen e kalimtarëve dhe promovojnë zhvillimin shoqëror-emocional të nxënësve përdorur incidente të lidhura me disciplinën si mundësi mësimi.