Letërsi shqiptare, Vepra “ Doktor Gjilpëra zbulon rrënjët e dramës së Mamurrasit”

Përshkrimi i filmit

Në filmin dokumetar “Këta jemi ne” trajtohet fati i një familjeje shqiptare e cila emigron në Gjermani për një jetë më të mirë, por pas dite viteve qëndrimi atje, ata vendosin të kthehen në Kosovë.

Tregojnë përjetimet që kanë pasur atje në vend të huaj dhe mungesa e shumë gjërave shqiptare, sidomos mungesa e gjuhës shqipe. Tani jetojnë në Kosovë, edhe pse nuk kanë shumë kushte të mira ekonomike, por janë të lumtur që jetojnë në vendin e tyre, edukohen sipas traditave shqiptare dhe flasin shqip.

Përmes këtij filmi dokumentar ne mund të gjejmë ngjashmëri me veprën e Faik Konicës “Doktor Gjilpëra zbulon rrënjët e dramës së Mamurrasit” në të cilën protaganisti Dr. Gjilpëra studion jashtë Shqipërisë dhe vendos që të kthehen në atdhe e t`i shërbej vendit.

Kompetencat

◎ Kompetenca e komunikimit dhe të shprehurit (Paraqet para një audience të caktuar, përmes së paku një forme të komunikimit çështjet thelbësore të ngritura në një vepër. -Shpreh mendimin e lirë, opinionin dhe qëndrimin për një temë të caktuar nga jeta duke përdorur forma të ndryshme të komunikimi me gojë, me shkrim, film dokumentar, krijim letrar etj. Angazhohet dhe kontribuon në një diskutim me të tjerët për një temë të caktuar, p.sh. për edukimin medial, duke paraqitur argumente të bazuara në fakte për rolin dhe ndikimin e televizionit, radios, shtypit dhe mjeteve të tjera të informimit në shoqëri, në procesin e përgatitjes së të rinjve për jetë të pavarur dhe orientim në karrierë)

◎ Kompetenca e të menduarit (Përpunon në mënyrë kritike informatat e mbledhura nga burime të ndryshme për ndonjë temë të ndjeshme në shoqëri, formon qëndrim kritik dhe e paraqet atë gjatë një debati me moshatarë dhe me të tjerë për çështjen e ngritur, ‘për’ ose ‘kundër”)

◎ Kompetenca personale (Diskuton në grup për mënyrat e bashkëpunimit me të tjerët për të zgjidhur një situatë të re mësimore)

◎ Kompeteca qytetare (Me shembuj argumenton ndërlidhjet midis punës, profesionit dhe karrierës, në një punim/prezantim me shkrim prej jo më pak se 1000 fjalësh, në përmbledhje të punimit/prezantimit ofron shembuj të shfrytëzimit të mundësive në dispozicion për arsimim dhe përgatitje profesionale ose këshillim në karrierë)

Rezultatet e të nxënit

⦿ Njeh portretizimin dituror, moral e shpirtëror të protaganistit të veprës;

⦿ Njeh subjektin e veprës së Konicës;

⦿ Analizon personazhet, marrëdhëniet ndërmjet tyre, mjedisin, rolin dhe funksionin e tyre.

Shfaqja e facilituar

Shfaqja e facilituar bazohet në ciklin e mësimnxënies. Një shfaqje filmi pasohet nga një diskutim me audiencën. Ky proces ndihmon audiencën që të shikojnë filmin me sy kritik, reflektojnë, angazhohen duke parë problemin lokal në kontekst global dhe përfundimisht të merren me veprime të duhura që mund të ndikojnë në ndryshim shoqëror. Ky udhëzues e faciliton diskutimin në ambient të klasës.

Shikoni filmin. Publiku e shikon filmin si grup.

Reflektoni mbi filmin. Pas shfaqjes, audienca reflekton mbi filmin e shiquar, duke i ndarë pikëpamjet, ndjenjat dhe reagimet e tyre. Thelbësore për këtë qasje është njohja që çdo individ ka ide dhe mban vlera që janë të rëndësishme për ta. Duke e ndarë këtë, njohja dhe respektimi i ideve, ndjenja dhe vlerave të ndryshme ndihmon audiencën për të mësuar nga njëri-tjetri.

Shihni përtej kontekstit lokal. Gjatë diskutimeve, pjesëmarrësit duhet të ekzaminojnë, debatojnë dhe analizojnë çështjet e ngritura në film. Për të marrë këtë më tej, audienca inkurajohet të lidh filmin dhe çështjet në jetën e tyre dhe t’i kuptojnë më mirë njohuritë e përbashkëta që ata posedojnë.

Vepro. Audienca i konsideron veprimet që mund të ndërmarrin për të adresuar varfërinë dhe pabarazinë në jetën e tyre dhe të komuniteteve, vendeve por edhe në nivel ndërkombëtar.