Njeriu si qenie specifike shoqërore

Përshkrimi i filmit

Filmi dokumentar “Thank You Africa, Thank You Ebola” paraqet rrëfimin e djaloshit si një katërmbëdhjetë-vjeçar që babai i tij iu kishte drejtuar me këto fjalë “ti je burri i
shtëpisë, kujdesu për nënën dhe fëmijët”.

Djali e kuptoi se babai kishte zgjedhur rrugën për në Afrikë më një mision human për t`u dalë në ndihmë mjekëve atje në luftimin e virusit të quajtur Ebola.

Të jesh human do të thotë të mbash qëndrim njerëzor e fisnik dhe të tregosh dashuri të thellë ndaj të gjithë njerëzve pa dallime.

Obligimet e këtij të riu veç sa shtoheshin, por edhe ndjenja e krenarisë për veprën dhe kontributin e babait në luftimin e këtij virusi.

Kompetencat

◎ Kompetenca e të menduarit – Mendimtar kreativ (Simulon një situatë për marrjen e një vendimi për jetën e vet ose zgjidhjen e një problemi me interes shoqëror, lidh vendimin me pasojat në mënyrë të përgjegjshme, e prezanton gjatë një debati me moshatarë në një kohëzgjatje të caktuar, duke u bazuar në këtë përvojë merr vendime dhe iniciativa të dobishme për vete, për shkollën dhe më gjerë)

◎ Kompetenca për jetë, për punë dhe për mjedis – Kontribuues produktiv (Merr pjesë ose udhëheq një fushatë të informimit të qytetarëve për një fushë apo temë të caktuar, për përgatitjen e saj mbështetet në idetë progresive dhe në shembujt pozitiv, përgatitjet i prezanton para klasës duke vënë theksin mbi qëllimet dhe rezultatet e pritura nga ky organizim (p.sh., fushatëinformimi për mbrojtjen e mjedisit natyror dhe shoqëror, ose për mënyrat e jetës së shëndetshme etj.).

◎ Kompetenca personale – Individ i shëndoshë (Ilustron me shembuj para të tjerëve modelet (praktikat) e sjelljeve që reflektojnë mënyrat e mbrojtjes dhe të kultivimit të kulturës së vet, vlerave, besimeve dhe kulturave të të tjerëve në mjedisin ku jeton dhe me gjerë)

◎ Kompetenca qytetare – Qytetar i përgjegjshëm (Tregon shembuj konkret të mbrojtjes së mjedisit natyror dhe atij të krijuar nga njeriu në aktivitete të jetës së përditshme në shtëpi; klasë, shkollë dhe komunitet, propozon alternativa etj.).

Rezultatet e të nxënit

⦿ Kultivimi i identitetit personal, kombëtar, i përkatësisë shtetërore e kulturore.

Shfaqja e facilituar

Shfaqja e facilituar bazohet në ciklin e mësimnxënies. Një shfaqje filmi pasohet nga një diskutim me audiencën. Ky proces ndihmon audiencën që të shikojnë filmin me sy kritik, reflektojnë, angazhohen duke parë problemin lokal në kontekst global dhe përfundimisht të merren me veprime të duhura që mund të ndikojnë në ndryshim shoqëror. Ky udhëzues e faciliton diskutimin në ambient të klasës.

Shikoni filmin. Publiku e shikon filmin si grup.

Reflektoni mbi filmin. Pas shfaqjes, audienca reflekton mbi filmin e shiquar, duke i ndarë pikëpamjet, ndjenjat dhe reagimet e tyre. Thelbësore për këtë qasje është njohja që çdo individ ka ide dhe mban vlera që janë të rëndësishme për ta. Duke e ndarë këtë, njohja dhe respektimi i ideve, ndjenja dhe vlerave të ndryshme ndihmon audiencën për të mësuar nga njëri-tjetri.

Shihni përtej kontekstit lokal. Gjatë diskutimeve, pjesëmarrësit duhet të ekzaminojnë, debatojnë dhe analizojnë çështjet e ngritura në film. Për të marrë këtë më tej, audienca inkurajohet të lidh filmin dhe çështjet në jetën e tyre dhe t’i kuptojnë më mirë njohuritë e përbashkëta që ata posedojnë.

Vepro. Audienca i konsideron veprimet që mund të ndërmarrin për të adresuar varfërinë dhe pabarazinë në jetën e tyre dhe të komuniteteve, vendeve por edhe në nivel ndërkombëtar.