Filmi
Lënda
Përgatitur nga
Të drejtat autoriale të fletës së punës i takojnë DokuFest dhe nuk mund të përdoret pa miratim paraprak nga DokuFest.
Filmi shfaq një histori që lidh fatet e tre individëve: një baba, një nënë dhe një gjyshe.
Secili duke lënë gjurmë të thella në jetën e të tjerëve.
Ngjarja fokusohet në mënyrën se si këta përsonazhe përballen me humbjen e të dashurve të tyre.
Një udhëtim që eksploron humbjen, kujtimet dhe forcën për të vazhduar tutje.
—Regjistrimi i videos së shkurtër dhe realizimi i stories digjitale
—Jeta dhe puna
Shkalla 3,
Klasa VI.
◎ Kompetenca digjitale (Përdorimi i pajisjeve digjitale);
◎ Kompetenca e të menduarit kritik (Identifikimi, planifikimi, detyra);
◎ Kompetenca komunikuese (Nxënësit mësojnë të shpresin idetë e tyre, përmes formave digjitale);
◎ Kompetenca krijuese dhe artistike (E bashkëpunimit).
⦿ Kupton bazat e regjistrimit të videove;
⦿ Krijon histori të thjeshtë dhe paraqet video me cilësi të mirë,
⦿ Tregon përgjegjësi në përdorimin e materialeve vizuele.
Shfaqja e facilituar bazohet në ciklin e mësimnxënies. Një shfaqje filmi pasohet nga një diskutim me audiencën. Ky proces ndihmon audiencën që të shikojnë filmin me sy kritik, reflektojnë, angazhohen duke parë problemin lokal në kontekst global dhe përfundimisht të merren me veprime të duhura që mund të ndikojnë në ndryshim shoqëror. Ky udhëzues e faciliton diskutimin në ambient të klasës.
Shikoni filmin. Publiku e shikon filmin si grup.
Reflektoni mbi filmin. Pas shfaqjes, audienca reflekton mbi filmin e shiquar, duke i ndarë pikëpamjet, ndjenjat dhe reagimet e tyre. Thelbësore për këtë qasje është njohja që çdo individ ka ide dhe mban vlera që janë të rëndësishme për ta. Duke e ndarë këtë, njohja dhe respektimi i ideve, ndjenja dhe vlerave të ndryshme ndihmon audiencën për të mësuar nga njëri-tjetri.
Shihni përtej kontekstit lokal. Gjatë diskutimeve, pjesëmarrësit duhet të ekzaminojnë, debatojnë dhe analizojnë çështjet e ngritura në film. Për të marrë këtë më tej, audienca inkurajohet të lidh filmin dhe çështjet në jetën e tyre dhe t’i kuptojnë më mirë njohuritë e përbashkëta që ata posedojnë.
Vepro. Audienca i konsideron veprimet që mund të ndërmarrin për të adresuar varfërinë dhe pabarazinë në jetën e tyre dhe të komuniteteve, vendeve por edhe në nivel ndërkombëtar.
Nxënësve iu parashtrohen konceptet kryesore në procesin e regjistrimit. 1. Shpjegimi dhe demonstrimi - duke përdorur një pajisje ose prezantim multimedial, për të shpjeguar regjistrimin e videos; 2. Diskutim mbi përvojat - pyesim nxënësit nëse kanë bërë ndonjë video dhe si e kanë bërë.
Nxënësit punojnë në grupe për të krijuar një skenar dhe të regjistrojnë një video të shkurtër. 1. Mësimi bazuar në shembuj - nxënësit marrin një skenar të shkurtër, 2. Punë në grupe - nxënësit praktikojnë regjistrimin e sekuencave të shkurtra të videos duke përdorur kënde të kamerës.
Analizohen videot e krijuara duke bërë një reflektim të shkurtër. Analiza e punëve të nxënësve - duke shfaqur videot e krijuar diskutojmë me nxënësit elementet që janë bërë.
Qëllimet e Zhvillimit të Qëndrueshëm (SDG), të njohura gjithashtu si Qëllimet Globale, u miratuan nga të gjitha Shtetet Anëtare të Kombeve të Bashkuara në 2015 si një thirrje universale për veprim për t’i dhënë fund varfërisë, për të mbrojtur planetin dhe për të siguruar që të gjithë njerëzit të gëzojnë paqe dhe prosperitet deri në vitin 2030.
17 SDG janë të integruara - domethënë, ata e pranojnë që veprimi në një zonë do të ndikojë në rezultatet në të tjerët, dhe se zhvillimi duhet të balancojë qëndrueshmërinë sociale, ekonomike dhe mjedisore. Nëpërmjet premtimit për të lënë askend pas, vendet janë zotuar të ndjekin përparimin e shpejtë për ata më të rrezikuarit sa më parë. Kjo është arsyeja pse SDG-të janë krijuar për të sjellë botën në disa ‘zero’ që ndryshojnë jetën, duke përfshirë zero varfërinë, urinë, SIDA’n dhe diskriminimin ndaj grave dhe vajzave.
Të gjithë janë të nevojshëm për të arritur këto objektiva ambiciozë. Krijimtaria, njohuria, teknologjia dhe burimet financiare nga e gjithë shoqëria është e nevojshme për të arritur SDG-të në çdo kontekst.
DokuFest përmes programit edukativ në kuadër të departamentit DokuLab është përkushtuar që të senzibilizojë rininë, për të mësuar më shumë për Qëllimet e Zhvillimit të Qëndrueshëm kryesisht përmes shfaqjeve të filmave nëpër shkolla dhe trajnimit të mësimdhënësve në përdorimin e filmit dhe mjeteve audiovizuale në procesin mësimor.
Ky udhëzues është prodhuar me këtë qëllim dhe është i bashkërenduar me kornizën kurrikulare të arsimit parauniversitar.